قازاقستاندا وتاندىق اۆتوكٶلٸك تەحنيكاسىنىڭ تٷرلەرٸ كەڭەيتٸلٸپ, جاڭا كٶلٸك قۇرالدارىنىڭ ٶندٸرٸسٸ ٸسكە قوسىلادى. بۇل تۋرالى ٷكٸمەت وتىرىسىندا «استانا موتورس» كومپانييالار توبىنىڭ تٶراعاسى نۇرلان سماعۇلوۆ مەلٸمدەدٸ, دەپ حابارلايدى ult.kz.
«كەسٸپورىننىڭ نەگٸزگٸ جوبالارىنىڭ بٸرٸ – «استانا» اتتى ٶز برەندٸمەن اۆتوبۋستار شىعارۋ. بۇل اۆتوبۋستار قىتايدىڭ تەحنولوگييالىق سەرٸكتەستەرٸمەن بٸرلەسٸپ ەزٸرلەنگەن, ەلەمدٸك جەتەكشٸ ٶندٸرۋشٸلەردٸڭ كومپونەنتتەرٸ پايدالانىلادى. سونىمەن قاتار اۆتوبۋستاردىڭ ديزاينىن جاساۋعا قازاقستاندىق ينجەنەرلەر تٸكەلەي قاتىستى. اۆتوبۋستار قازاقستان اۋماعىندا ٶندٸرٸلەدٸ», – دەدٸ نۇرلان سماعۇلوۆ.
ديزەلدٸ جەنە گازبەن جٷرەتٸن اۆتوبۋستاردىڭ سەرييالىق ٶندٸرٸسٸ بيىل قاراشا ايىندا باستالادى. سونىمەن قاتار BYD كومپانيياسىمەن بٸرلەسٸپ ەلەكتر كٶلٸكتەرٸنٸڭ جەلٸسٸ ەزٸرلەنۋدە. «استانا» ماركالى ەلەكتر اۆتوبۋستارىنىڭ ٶندٸرٸسٸن 2027 جىلدىڭ ناۋرىز ايىندا باستاۋ جوسپارلانىپ وتىر.
