Temir jol salasynyń ósimi 3,4 esege artady. Jyl qorytyndysy boiynsha atalǵan kórsetkish 3,3 trln teńgeni quraidy. Bul týraly Úkimet otyrysynda QR kólik ministri Nurlan Saýranbaev málimdedi, dep habarlaidy ult.kz.
Ol sondai-aq temirjol jelisiniń ótkizý qabiletin arttyrý maqsatynda 754 shaqyrym jańa jol salynyp jatqanyn jáne 3 myń shaqyrym joldy jańǵyrtý jumystary aiaqtalatynyn atap ótti.
Biyl «Moiynty – Qyzyljar», «Darbaza – Maqtaaral» temirjol jelileriniń qurylysy aiaqtalady.
«Sonymen birge birqatar jańa jobaǵa kirisip jatyrmyz, onyń ishinde Astana – Qaraǵandy baǵytynda úshinshi joldardy jáne Arys – Qazaly ýchaskesinde ekinshi joldardy salý bar. Jáne Qyzyljar – Shubarkól – Esil jáne Inderbor – Maqat baǵyttaryn jańǵyrtý josparlanǵan. Qosymsha Inderbor – Oral jáne Qaraǵandy – Qaraǵaily jobalaryna daiyndyq jumystarǵa kirisip jatyrmyz», — dedi Nurlan Saýranbaev.
