Aliment alýshylarǵa arnaiy bank shotyn ashý mindetteledi. Bul shottaǵy qarajatqa tyiym salynbaidy. Qazaqstanda 25 tamyzdan bastap aliment tóleýdiń jańa tártibi engiziledi. Ózgeris atqarýshylyq is júrgizý sheńberinde aliment óndirilip jatqan azamattarǵa qatysty, dep habarlaidy 24KZ.
Jańa tártip boiynsha óndirip alynǵan alimentter tek arnaiy bank shottaryna aýdarylady. Bul qarajattyń saqtalýyn qamtamasyz etý maqsatynda engizilip otyr.
Buǵan deiin aliment túsetin bank shottarynyń arnaiy quqyqtyq mártebesi bolmaǵan. Iaǵni aliment basqa qarajatpen aralasyp, onyń naqty qaidan túskenin anyqtaý qiyn edi.
Endi arnaiy shot ashý mindetti bolady. Onyń basty ereksheligi – shottaǵy aliment qarajatyna tyiym salýǵa jáne ony buǵattaýǵa bolmaidy.
Jańa talap aliment alýshylardyń qarajatyn qorǵaýǵa jáne onyń naqty maqsatqa – balany qamtamasyz etýge jumsalýyn qamtamasyz etýge baǵyttalǵan.
