Memleket basshysynyń elektr energetikasy salasyn ártaraptandyrý jónindegi tapsyrmalaryn júzege asyrý sheńberinde Úkimet Qazaqstan Respýblikasynyń 2035 jylǵa deiingi gidroenergetika salasyn damytý josparyn bekitti, dep habarlaidy ult.kz. Premer-ministr Oljas Bektenov tiisti qaýlyǵa qol qoidy.
Qujat elimizdiń gidroenergetikalyq áleýetin igerýge biryńǵai uzaqmerzimdi tásildi qalyptastyrady. Bolashaq nysandardy daiyndaý kezinde sý resýrstarynyń bolýy, energiia júiesiniń qajettilikteri, tehnikalyq múmkindikter, ekologiialyq shekteýler jáne investitsiialar tartý sharttary eskeriledi.
Jospar alty negizgi baǵyt boiynsha 30 is-sharany qamtidy. Olardyń qatarynda ózenderdiń sý teńgerimi men energetikalyq áleýetin baǵalaý, josparlanǵan nysandar boiynsha biryńǵai derekter bazasyn qalyptastyrý, jer ýchaskelerin daiyndaý, GES pen gidroakkýmýliatsiialaý stansalarynyń pýlyn qurý, sondai-aq kadrlyq jáne ǵylymi-tehnikalyq qamtamasyz etý máseleleri bar.
Zertteýler qolaily alańdardy tańdaýǵa, bolashaq nysandardyń parametrlerin aiqyndaýǵa jáne sýmen qamtamasyz etý men qorshaǵan ortaǵa áser etýge bailanysty táýekelderdi aldyn ala eskerýge kómektesedi. Barlyq aqparat memlekettik organdar men bolashaq investorlar úshin biryńǵai derekkózi bolatyn tsifrlyq platformada biriktiriledi.
Óndirýshi qýattardy keńeitý sheńberinde 2030 jyldyń sońyna deiin gidroenergetikanyń keminde 500 MVt jańa qýatyn iske qosý kózdelgen. Sondai-aq, gidroakkýmýliatsiialyq elektr stansasyn salý máselelerine nazar aýdaryldy.
Jańa nysandardy iske qosý óńirlerdi energiiamen jabdyqtaý senimdiligin jáne Biryńǵai elektr energetikalyq júiesiniń turaqtylyǵyn arttyrady. Alańdardy tańdaý kezinde sý teńgerimi men tabiǵatty qorǵaý talaptary eskeriledi, bul qorshaǵan ortaǵa áserdi barynsha azaitýǵa múmkindik beredi.
Nátijesinde Qazaqstan sý resýrstaryn zertteýden jáne alańdardy tańdaýdan bastap, mamandardy daiarlaý men naqty nysandardy iske qosýǵa deiin gidroenergetikalyq áleýetti igerýdiń júieli negizin qalyptastyrady.
