مەملەكەت باسشىسىنىڭ ەلەكتر ەنەرگەتيكاسى سالاسىن ەرتاراپتاندىرۋ جٶنٸندەگٸ تاپسىرمالارىن جٷزەگە اسىرۋ شەڭبەرٸندە ٷكٸمەت قازاقستان رەسپۋبليكاسىنىڭ 2035 جىلعا دەيٸنگٸ گيدروەنەرگەتيكا سالاسىن دامىتۋ جوسپارىن بەكٸتتٸ, دەپ حابارلايدى ult.kz. پرەمەر-مينيستر ولجاس بەكتەنوۆ تيٸستٸ قاۋلىعا قول قويدى.
قۇجات ەلٸمٸزدٸڭ گيدروەنەرگەتيكالىق ەلەۋەتٸن يگەرۋگە بٸرىڭعاي ۇزاقمەرزٸمدٸ تەسٸلدٸ قالىپتاستىرادى. بولاشاق نىسانداردى دايىنداۋ كەزٸندە سۋ رەسۋرستارىنىڭ بولۋى, ەنەرگييا جٷيەسٸنٸڭ قاجەتتٸلٸكتەرٸ, تەحنيكالىق مٷمكٸندٸكتەر, ەكولوگييالىق شەكتەۋلەر جەنە ينۆەستيتسييالار تارتۋ شارتتارى ەسكەرٸلەدٸ.
جوسپار التى نەگٸزگٸ باعىت بويىنشا 30 ٸس-شارانى قامتيدى. ولاردىڭ قاتارىندا ٶزەندەردٸڭ سۋ تەڭگەرٸمٸ مەن ەنەرگەتيكالىق ەلەۋەتٸن باعالاۋ, جوسپارلانعان نىساندار بويىنشا بٸرىڭعاي دەرەكتەر بازاسىن قالىپتاستىرۋ, جەر ۋچاسكەلەرٸن دايىنداۋ, گەس پەن گيدرواككۋمۋلياتسييالاۋ ستانسالارىنىڭ پۋلىن قۇرۋ, سونداي-اق كادرلىق جەنە عىلىمي-تەحنيكالىق قامتاماسىز ەتۋ مەسەلەلەرٸ بار.
زەرتتەۋلەر قولايلى الاڭداردى تاڭداۋعا, بولاشاق نىسانداردىڭ پارامەترلەرٸن ايقىنداۋعا جەنە سۋمەن قامتاماسىز ەتۋ مەن قورشاعان ورتاعا ەسەر ەتۋگە بايلانىستى تەۋەكەلدەردٸ الدىن الا ەسكەرۋگە كٶمەكتەسەدٸ. بارلىق اقپارات مەملەكەتتٸك ورگاندار مەن بولاشاق ينۆەستورلار ٷشٸن بٸرىڭعاي دەرەككٶزٸ بولاتىن تسيفرلىق پلاتفورمادا بٸرٸكتٸرٸلەدٸ.
ٶندٸرۋشٸ قۋاتتاردى كەڭەيتۋ شەڭبەرٸندە 2030 جىلدىڭ سوڭىنا دەيٸن گيدروەنەرگەتيكانىڭ كەمٸندە 500 مۆت جاڭا قۋاتىن ٸسكە قوسۋ كٶزدەلگەن. سونداي-اق, گيدرواككۋمۋلياتسييالىق ەلەكتر ستانساسىن سالۋ مەسەلەلەرٸنە نازار اۋدارىلدى.
جاڭا نىسانداردى ٸسكە قوسۋ ٶڭٸرلەردٸ ەنەرگييامەن جابدىقتاۋ سەنٸمدٸلٸگٸن جەنە بٸرىڭعاي ەلەكتر ەنەرگەتيكالىق جٷيەسٸنٸڭ تۇراقتىلىعىن ارتتىرادى. الاڭداردى تاڭداۋ كەزٸندە سۋ تەڭگەرٸمٸ مەن تابيعاتتى قورعاۋ تالاپتارى ەسكەرٸلەدٸ, بۇل قورشاعان ورتاعا ەسەردٸ بارىنشا ازايتۋعا مٷمكٸندٸك بەرەدٸ.
نەتيجەسٸندە قازاقستان سۋ رەسۋرستارىن زەرتتەۋدەن جەنە الاڭداردى تاڭداۋدان باستاپ, مامانداردى دايارلاۋ مەن ناقتى نىسانداردى ٸسكە قوسۋعا دەيٸن گيدروەنەرگەتيكالىق ەلەۋەتتٸ يگەرۋدٸڭ جٷيەلٸ نەگٸزٸن قالىپتاستىرادى.
