Foto: Instagram.com
«Qazaqstan» teleradiokorporatsiiasy Almatyda ótken «Qairat» – «Real Madrid» matchynyń transliatsiiasy kezinde oryn alǵan tehnikalyq aqaýlarǵa bailanysty resmi málimdeme jasady, dep habarlaidy Ult.kz.
Korporatsiia málimetinshe, matchqa deiin tolyqqandy daiyndyq júrgizilip, server qýattylyǵy ádettegiden úsh ese arttyrylǵan. Sonymen qatar beineaǵyndy jetkizý qyzmeti de ońtailandyrylǵan. Degenmen, oiyn bastalǵan sátten bastap internet jelisindegi syrtqy qiyndyqtarǵa bailanysty transliatsiiany tolyqqandy qamtamasyz etý múmkin bolmaǵan.
«Aqaýlardy jedel sheshýge barlyq sharalar qoldanyldy. Qazirgi tańda týyndaǵan máseleni anyqtaý úshin keshendi tehnikalyq taldaý júrgizilýde. Kórermenderge qolaisyzdyq týdyrǵanymyz úshin keshirim suraimyz», – delingen habarlamada.
