Memleket basshysy Qasym-Jomart Toqaev «Qazaqstan Respýblikasy Quryltaiynyń sailaýyn taǵaiyndaý týraly» Jarlyqqa qol qoidy. Qujatqa sáikes, Qazaqstan Respýblikasy Quryltaiy depýtattarynyń sailaýy 2026 jylǵy 23 tamyzda ótedi, dep habarlaidy ult.kz.
Jarlyq Qazaqstan Respýblikasy Konstitýtsiiasynyń 46-babynyń 3) tarmaqshasy men 95-babynyń 1-tarmaǵyna sáikes qabyldandy.
Qujatqa sáikes, Qazaqstan Respýblikasynyń Ortalyq sailaý komissiiasyna Quryltai depýtattarynyń sailaýyna daiyndyqty uiymdastyryp, ony ótkizýdi qamtamasyz etý tapsyryldy.
Sonymen qatar Úkimetke, Astana, oblystar jáne respýblikalyq mańyzy bar qalalardyń ákimderine sailaýdy uiymdastyrýshylyq, materialdyq-tehnikalyq jáne qarjylyq jaǵynan qamtamasyz etý úshin qajetti barlyq sharalardy jedel qabyldaý mindetteldi.
Jarlyq jariialanǵan kúninen bastap kúshine endi.
