Qazaqstannyń qazaq tilin latyn grafikasyna kóshirýiniń naqty merzimi ázirge belgilengen joq, dep habarlaidy ult.kz Zakon.kz saityna silteme jasap.
Ǵylym jáne joǵary bilim ministrliginiń Til saiasaty komiteti jańa álipbi jobasy men emle erejelerin áli de jetildirip jatyr. Bul týraly komitet tóraǵasynyń orynbasary Elmira Asan málimdedi.
Onyń aitýynsha, mamandar latyn grafikasyna negizdelgen qazaq álipbiiniń jobasy men orfografiialyq erejelerdi jetildirý jumystaryn jalǵastyrýda.
Ministrlik resmi qujattar normativtik-quqyqtyq aktilermen bekitilmeiinshe, latyn álipbiiniń ártúrli nusqalaryn qoldaný negizsiz ekenin atap ótti.
Álipbidi ázirleý jumystarynyń qashan aiaqtalatyny jáne ony engizý merzimi de ázirge belgisiz. Bul máselege qatysty budan keiingi sheshimder Úkimettiń tiisti tapsyrmasynan keiin qabyldanady.
