Qazaqstan fýtbol federatsiiasy Premer-liganyń biylǵy maýsymyndaǵy tóreshilerge yqtimal qysym kórsetý jáne kúmándi matchtarǵa qatysty aqparatty tekserip jatyr. Sporttyq BAQ málimetinshe, birneshe tóreshi poligraftan ótken, dep habarlaidy ult.kz.
Tergeýdiń ortasynda Premer-liganyń 17-týryndaǵy oiyndardyń birinen keiin 10 million teńge alǵan bolýy múmkin degen kúdikke ilingen tóreshi bar. Onyń aty-jóni, naqty match jáne aqsha berýge qatysy bolýy múmkin klýb ázirge resmi túrde jariialanǵan joq.
ASnews.kz málimetinshe, tóreshiler Qazaqstan fýtbol federatsiiasynyń qaýipsizdik jáne Integrity qyzmetiniń ókilderiniń suraqtaryna jaýap bergen. Poligraf arqyly tekserý jumystary jalǵasady. Nátijesine qarai keibir tóreshilerge fýtbol matchtaryna qyzmet kórsetýge tyiym salynýy múmkin.
Buǵan deiin Qazaqstan fýtbol federatsiiasy fýtbol klýbtary ókilderiniń básekelik artyqshylyqqa qol jetkizý maqsatynda tóreshilerge zańsyz yqpal etýge áreket jasaýy múmkin ekeni týraly aqparat bar ekenin málimdegen.
Ishki tekserý qorytyndysy boiynsha bir tóreshi jarystarǵa qatysýdan merzimsiz shettetilgen. Alaida federatsiia onyń aty-jónin de jariialaǵan joq. Sonymen qatar KFF-nyń resmi málimdemesinde boljamdy syiaqynyń kólemi men onyń berilýine qatysty mán-jailar naqtylanbaǵan.
Qazir federatsiia tóreshilerge qysym kórsetý, aqsha usyný jáne match nátijesine yqpal etýdiń ózge de túrleri týraly aqparatty tekserýdi jalǵastyryp jatyr.
Eger zańbuzýshylyqtar rastalsa, jinaqtalǵan materialdar quzyrly memlekettik organdarǵa berilýi múmkin.
