Qazaqmys óndiristik nysandardy jańartý jónindegi aýqymdy baǵdarlamasy aiasynda Jezqazǵan mys balqytý zaýytyndaǵy (JMZ) №1 úsh sektsiialy jeldetkishti salqyndatqysh munarany kúrdeli jóndeýge kiristi. Jobanyń quny – 921,8 mln teńge, dep habarlaidy ult.kz.
Salqyndatqysh munara kúkirt qyshqyly tsehynyń negizgi agregattaryna qajetti tehnologiialyq sýdy salqyndatady. Nysan 1971 jyly paidalanýǵa berilgen. 2021 jyly ónerkásiptik qaýipsizdik saraptamasynyń qorytyndysy boiynsha nysan paidalanýǵa jaramsyz dep tanyldy. 2024 jyly qurylys jáne metall qurylymdarynyń bir bóligi qulaǵannan keiin nysanǵa kirýge tyiym salyndy.
2026 jyly Qazaqmystyń jańa basqarýshy komandasy salqyndatqysh munarany keshendi túrde qalpyna keltirý týraly sheshim qabyldady. Jumys nysandy qaita iske qosyp, salqyndatý júiesiniń senimdiligin arttyrýǵa jáne kúkirt qyshqyly óndirisindegi infraqurylymdyq táýekelderdi azaitýǵa múmkindik beredi.
Qazirgi tańda zaqymdalyp, tozǵan qurylymdardy alyp tastaý jumysy aiaqtalýǵa jaqyn qaldy, aýmaq tolyq tazartyldy. Mamandar salqyndatqysh munara basseinin qalpyna keltirýge kiristi: beton negizi nyǵaitylyp, jarylǵan jerleri jóndeldi, gidrooqshaýlaý jumysy júrgizilýde.
Kelesi kezeńde jańa tirek qańqasy, zamanaýi tamshyly búrikkishter, sý ustaǵysh jáne jeldetkish qondyrǵy ornatylady. Metall qurylymdar korroziiaǵa qarsy qurammen óńdeledi. Jumysty 150 kúntizbelik kún ishinde tolyq aiaqtaý kózdelgen.
Kúrdeli jóndeý aiaqtalǵannan keiin №1 salqyndatqysh munara JMZ-nyń kúkirt qyshqyly óndirisine qajetti tehnologiialyq sýdy salqyndatady. Bul jabdyqtyń senimdiligin arttyryp, tehnologiialyq úderistiń turaqtylyǵyn qamtamasyz etedi.
Salqyndatqysh munarany qalpyna keltirý – Qazaqmystyń jańa basqarýshy komandasynyń 2026 jyly júzege asyryp jatqan óndiristik infraqurylymdy jańǵyrtý jónindegi aýqymdy baǵdarlamasynyń bir bóligi. Baǵdarlamanyń negizgi maqsaty – óndiristik nysandardyń senimdiligin arttyrý, infraqurylymdyq táýekelderdi azaitý jáne eńbek jaǵdaiyn qaýipsiz etý.
