قازاقمىس ٶندٸرٸستٸك نىسانداردى جاڭارتۋ جٶنٸندەگٸ اۋقىمدى باعدارلاماسى اياسىندا جەزقازعان مىس بالقىتۋ زاۋىتىنداعى (جمز) №1 ٷش سەكتسييالى جەلدەتكٸشتٸ سالقىنداتقىش مۇنارانى كٷردەلٸ جٶندەۋگە كٸرٸستٸ. جوبانىڭ قۇنى – 921,8 ملن تەڭگە, دەپ حابارلايدى ult.kz.
سالقىنداتقىش مۇنارا كٷكٸرت قىشقىلى تسەحىنىڭ نەگٸزگٸ اگرەگاتتارىنا قاجەتتٸ تەحنولوگييالىق سۋدى سالقىنداتادى. نىسان 1971 جىلى پايدالانۋعا بەرٸلگەن. 2021 جىلى ٶنەركەسٸپتٸك قاۋٸپسٸزدٸك ساراپتاماسىنىڭ قورىتىندىسى بويىنشا نىسان پايدالانۋعا جارامسىز دەپ تانىلدى. 2024 جىلى قۇرىلىس جەنە مەتالل قۇرىلىمدارىنىڭ بٸر بٶلٸگٸ قۇلاعاننان كەيٸن نىسانعا كٸرۋگە تىيىم سالىندى.
2026 جىلى قازاقمىستىڭ جاڭا باسقارۋشى كومانداسى سالقىنداتقىش مۇنارانى كەشەندٸ تٷردە قالپىنا كەلتٸرۋ تۋرالى شەشٸم قابىلدادى. جۇمىس نىساندى قايتا ٸسكە قوسىپ, سالقىنداتۋ جٷيەسٸنٸڭ سەنٸمدٸلٸگٸن ارتتىرۋعا جەنە كٷكٸرت قىشقىلى ٶندٸرٸسٸندەگٸ ينفراقۇرىلىمدىق تەۋەكەلدەردٸ ازايتۋعا مٷمكٸندٸك بەرەدٸ.
قازٸرگٸ تاڭدا زاقىمدالىپ, توزعان قۇرىلىمداردى الىپ تاستاۋ جۇمىسى اياقتالۋعا جاقىن قالدى, اۋماق تولىق تازارتىلدى. ماماندار سالقىنداتقىش مۇنارا باسسەينٸن قالپىنا كەلتٸرۋگە كٸرٸستٸ: بەتون نەگٸزٸ نىعايتىلىپ, جارىلعان جەرلەرٸ جٶندەلدٸ, گيدرووقشاۋلاۋ جۇمىسى جٷرگٸزٸلۋدە.
كەلەسٸ كەزەڭدە جاڭا تٸرەك قاڭقاسى, زاماناۋي تامشىلى بٷرٸككٸشتەر, سۋ ۇستاعىش جەنە جەلدەتكٸش قوندىرعى ورناتىلادى. مەتالل قۇرىلىمدار كورروزيياعا قارسى قۇراممەن ٶڭدەلەدٸ. جۇمىستى 150 كٷنتٸزبەلٸك كٷن ٸشٸندە تولىق اياقتاۋ كٶزدەلگەن.
كٷردەلٸ جٶندەۋ اياقتالعاننان كەيٸن №1 سالقىنداتقىش مۇنارا جمز-نىڭ كٷكٸرت قىشقىلى ٶندٸرٸسٸنە قاجەتتٸ تەحنولوگييالىق سۋدى سالقىنداتادى. بۇل جابدىقتىڭ سەنٸمدٸلٸگٸن ارتتىرىپ, تەحنولوگييالىق ٷدەرٸستٸڭ تۇراقتىلىعىن قامتاماسىز ەتەدٸ.
سالقىنداتقىش مۇنارانى قالپىنا كەلتٸرۋ – قازاقمىستىڭ جاڭا باسقارۋشى كومانداسىنىڭ 2026 جىلى جٷزەگە اسىرىپ جاتقان ٶندٸرٸستٸك ينفراقۇرىلىمدى جاڭعىرتۋ جٶنٸندەگٸ اۋقىمدى باعدارلاماسىنىڭ بٸر بٶلٸگٸ. باعدارلامانىڭ نەگٸزگٸ ماقساتى – ٶندٸرٸستٸك نىسانداردىڭ سەنٸمدٸلٸگٸن ارتتىرۋ, ينفراقۇرىلىمدىق تەۋەكەلدەردٸ ازايتۋ جەنە ەڭبەك جاعدايىن قاۋٸپسٸز ەتۋ.
