Qazaqmys Jezqazǵan mys balqytý zaýytynyń mys elektrolizi tsehyndaǵy jabdyqtardy jańartýǵa kiristi. 2026 jyly jobany iske asyrýǵa shamamen 745 mln teńge baǵyttaldy, dep habarlaidy Ult.kz.
Kásiporynǵa katodty mys óndirýge arnalǵan jańa polimerbeton vannalarynyń alǵashqy partiiasy jetkizildi. Olar himiialyq áserge joǵary tózimdiligimen erekshelenedi jáne 60 °C-qa deiingi jumys temperatýrasynda paidalanylady.
Alǵashqy 24 vannany montajdaý jumysy bastaldy. 2026 jyldyń sońyna deiin 250 vannany ornatý josparlanǵan. Jalpy, mys elektrolizi tsehynda 1 872 vanna bar.
Jabdyqtardy kezeń-kezeńimen aýystyrý elektroliz óndirisiniń senimdiligin arttyrýǵa, tehnologiialyq úderistiń turaqty kórsetkishterin jáne óndiriletin katodty mystyń sapasyn qamtamasyz etýge múmkindik beredi.
Sondai-aq jabdyqtardy jańartý óndiristik operatsiialardy oryndaý jaǵdaiyn jaqsartýǵa yqpal etedi.
Joba Jezqazǵan mys balqytý zaýytyn jańǵyrtý baǵdarlamasy aiasynda júzege asyrylýda. 2026 jyly Qazaqmystyń jańa basqarý komandasy óndiristik aktivterdi jańartýǵa baǵyttalǵan jumysty kúsheitip, jabdyqtardyń senimdiligine, jumyskerlerdiń qaýipsizdigine jáne óndiristik úderistiń turaqtylyǵyna basymdyq berdi.
