1 maýsym kúni Jezqazǵan, Sátbaev jáne Balqash qalalarynda Halyqaralyq balalardy qorǵaý kúnine arnalǵan merekelik is-shara ótti. Aty atalǵan qalalardyń kishkentai turǵyndary úshin «Qazaqmys» kompaniiasy «Uly Bala Fest – Balalyq shaqqa saiahat» festivalin uiymdastyryp, óndiristik nysandarǵa ekskýrsiia jasady jáne balalar úiiniń tárbielenýshilerine qaiyrymdylyq kómek kórsetti.
Merekelik alańdarǵa myńdaǵan bala men ata-analar jinaldy. Qonaqtarǵa interaktivti oiyndar, shyǵarmashylyq sheberlik sabaqtary, animatorlardyń qoiylymdary, túrli baiqaýlar men sporttyq jarystar jáne oiyn-saýyq baǵdarlamasy uiymdastyryldy. Otbasylyq mereke atmosferasyn qalyptastyrýǵa erekshe nazar aýdaryldy, árbir bala óz qyzyǵýshylyǵyna sai ispen ainalysyp, jaqyndarymen birge ýaqyt ótkizdi.
Balalardy qorǵaý kúni aiasynda kompaniia jumyskerleriniń balalary úshin Jezqazǵan, Qaraǵandy jáne Balqash qalalaryndaǵy «Qazaqmystyń» óndiristik nysandaryna ekskýrsiia uiymdastyryldy. Qatysýshylar Nurqazǵan baiytý fabrikasyna, Qońyrattaǵy óndiristik alańǵa, jóndeý-mehanikalyq bólimshelerine jáne quiý-mehanikalyq zaýytyna bardy. Ekskýrsiia barysynda balalar zamanaýi tehnologiiamen, óndiris úderisimen jáne ata-anasynyń kún saiyn atqaratyn jumysymen tanysty.
Jezqazǵandaǵy balalar úileriniń tárbielenýshilerine arnap uiymdastyrylǵan qaiyrymdylyq aktsiiasy merekelik is-sharanyń jeke baǵytyna ainaldy. Kompaniia ókilderi balalardy merekesimen quttyqtap, syilyqtar tabys etti jáne oiyn-saýyq baǵdarlamasyn uiymdastyrdy. Mundai bastamalar Qazaqmysqa qatysy bar óńirlerdegi balalar men otbasylardy qoldaýǵa baǵyttalǵan júieli jumystyń bir bóligi bolyp tabylady.
Jas urpaqqa qamqorlyq jasaý kompaniianyń áleýmettik saiasatynyń negizgi baǵyttarynyń biri bolyp qala beredi. Merekelik is-sharadan bólek «Qazaqmys» balalardyń damýyna, densaýlyǵyn nyǵaitýǵa jáne qoldaýǵa baǵyttalǵan baǵdarlamalar keshenin júzege asyryp keledi.
2026 jyly «Qazaqmys» elimizdegi saýyqtyrý lagerlerinde jumyskerlerdiń 1200-den astam balasynyń jazǵy demalysyn uiymdastyrady. Balalardyń densaýlyǵyn nyǵaitýǵa, jańa daǵdylardy damytýǵa jáne jazǵy demalysyn sapaly ótkizýge baǵyttalǵan sporttyq, bilim berý jáne shyǵarmashylyq baǵdarlamalar ázirlendi. Jazǵy demalystyń alǵashqy naýqany 7 maýsymda bastalady.
Arnaiy meditsinalyq kómekke muqtaj balalardy qoldaýǵa da erekshe nazar aýdarylýda. 2026 jyldyń basynan beri balalardy ońaltý baǵdarlamasy aiasynda 54 bala qalpyna keltirý emin aldy, al jobany qarjylandyrýǵa 31 mln teńge bólindi. Baǵdarlama 2020 jyly iske qosylǵannan beri Jezqazǵan, Sátbaev jáne Balqash qalalarynda myńnan astam balaǵa kómek kórsetildi.
Balalardy qoldaý, olardyń damýyna, saýyǵýyna jáne tolyqqandy demalýyna jaǵdai jasaý «Qazaqmystyń» áleýmettik jaýapkershiliginiń mańyzdy baǵyty bolyp tabylady. Kompaniia otbasylardyń ómir súrý sapasyn arttyrýdy jáne ózine qatysy bar óńirlerdiń ál-aýqatyn jaqsartýǵa baǵyttalǵan jobalardy júzege asyrýdy jalǵastyra beredi.
