Ońtústik Jezqazǵan kenishindegi shahtalardyń biriniń jumyskerleri materialdyq-tehnikalyq jaraqtandyrý jáne eńbek jaǵdaiyna qatysty birqatar máseleni kóterip, «Qazaqmys» kompaniialar Tobynyń basshylyǵyna júgindi.
Kompaniia basshylyǵy eńbek ujymy ókilderimen jumys kezdesýin ótkizdi.
Ashyq jáne syndarly dialog barysynda taraptar kásiporyn jumyskerlerin tolǵandyrǵan birqatar máselelerdi talqylady. Aitylǵan barlyq usynystar men bastamalar belgilengen tártipke sáikes odan ári pysyqtaý úshin qaraýǵa qabyldandy.
Kóterilgen máselelerdiń negizgi bóligi uzaq jyldar boiy jetkiliksiz qarjylandyrýǵa bailanysty jabdyqtardyń tehnikalyq jaǵdaiyna qatysty boldy. Osyǵan bailanysty basshylyq jumyskerlerdiń eńbek jaǵdaiyn odan ári jaqsartý, sondai-aq óndiristiń senimdiligi men qaýipsizdigin arttyrý maqsatynda investitsiialyq baǵdarlamany keńeitip, onyń iske asyrylýyn jedeldetýge nietti.
Kompaniia qoldanystaǵy korporativtik tetikter men áleýmettik áriptestik sheńberinde eńbek ujymy ókilderimen ózara is-qimyldy jalǵastyra beredi.
Qazirgi ýaqytta kásiporyn shtattyq rejimde jumys istep tur. Óndiristik úderis bekitilgen óndiristik josparǵa sáikes júzege asyrylýda.
«Qazaqmys» kompaniialar Toby eńbek ujymymen ashyq dialog ornatý qaǵidatyn ustanady jáne eńbek ujymymen ózara is-qimyldy kásiporyndy damytý, eńbek qaýipsizdigi deńgeiin arttyrý jáne jumyskerlerdiń áleýmettik jaǵdaiyn jetildirýdiń mańyzdy elementi retinde qarastyrady.
