Kompaniiada jariialanǵan Qaýipsizdik jyly aiasynda «Qazaqmys» korporatsiiasy merdiger uiymdardy eńbekti qorǵaý men táýekelderdi basqarýdyń korporativtik standarttaryna oqytý baǵdarlamasyn keńeitip jatyr. Bastamanyń maqsaty – kompaniianyń óndiristik nysandaryna tartylǵan barlyq jumyskerler úshin ónerkásiptik qaýipsizdik máselesi boiynsha biryńǵai tásil engizý.
Baǵdarlamanyń kezekti kezeńinde «Tranco Balkhash» kólik-logistikalyq kompaniiasynyń qyzmetkerleri korporatsiianyń Kadrlardy daiarlaý jáne qaita daiarlaý ortalyǵynda «Qauipsizdik Start» (QStart) kýrsy boiynsha oqytýdan ótýde.
Ónerkásiptik qaýipsizdik talaby Korporatsiianyń óndiristik alańdarynda júrgen barlyq qyzmetkerlerge, onyń ishinde kompaniianyń nemese merdiger uiymnyń qyzmetkeri ekenine qaramastan, barshaǵa birdei qoldanylady.
Oqytý segiz saǵattyq praktikalyq seminar formatynda ótýde. Qatysýshylar táýekeldi anyqtaý jáne baǵalaý ádisin, kólik jáne arnaiy tehnikamen jumys isteý erejesin, jeke qorǵanys quraldaryn qoldaný tártibin jáne tótenshe jaǵdai kezinde áreket etý algoritmin meńgeredi. Oqý barysynda Life Saving Rules qaǵidalaryna jáne jumyskerdiń ómiri men densaýlyǵyna qaýip tóngen jaǵdaida jumysty toqtatý quqyǵyna erekshe nazar aýdarylady.
Oqytý qorytyndysy boiynsha tyńdaýshylar mindetti testileýden ótip, elektrondy sertifikat alady.
Baǵdarlama 2026 jylǵy sáýirde Balqashta bastalyp, keiin Sátbaevtaǵy korporatsiia kásiporyndaryna engizilgen «Qauipsizdik Start» jobasynyń bir bóligi bolyp tabylady. Jyl sońyna deiin Qazaqmystyń nysandarynda jumys isteitin óndiristik bólimsheler men merdiger uiymdardyń 10 myńnan astam jumyskeri eńbekti qorǵaý men táýekelderdi basqarýdyń biryńǵai standarty boiynsha oqytýdan
ótedi.
