Mineraldyq-shikizat qoryn damytý – «Qazaqmys» Tobynyń strategiialyq basymdyqtarynyń biri. Osy maqsatta «Kazakhmys Barlau» JShS geologiialyq barlaý jumysyna tsifrlyq tehnologiialar men jasandy intellekt sheshimderin kezeń-kezeńimen engizip keledi.
Biyl tsifrlyq tehnologiiany qoldaný arqyly 20 geologiialyq barlaý jobasy júzege asyrylýda. Olardyń qatarynda geoaqparattyq júielerdi, úshólshemdi modeldeýdi jáne jasandy intellektti paidalaný kózdelgen. Bul geologiialyq derektiń sapasyn arttyrýǵa, ken denelerin boljaý dáldigin jaqsartýǵa jáne tiimdi geologiialyq sheshim qabyldaýǵa múmkindik beredi. Atalǵan jobalar boiynsha jalpy investitsiia porfeli 18,2 mln AQSh dollaryn quraidy.
Qazirgi tańda tsifrlyq sheshimder geologiialyq derekterdi jinaýdan bastap, kerndi zertteýge, burǵylaý tehnikasyn onlain baqylaýǵa jáne tsifrlyq geologiialyq modelder qurýǵa deiingi barlyq negizgi úderisterdi qamtidy. Biryńǵai tsifrlyq orta qalyptastyrylyp, 50 birlik tehnikaǵa onlain-monitoring engizildi, shalǵai nysandarda Starlink spýtniktik bailanysy iske qosylýda. Al Jezqazǵandaǵy Geologiialyq klasterde ANCORELOG jáne LithoLens jasandy intellekt keshenderi qoldanylýda.
Geologiialyq barlaýdy keshendi tsifrlandyrý boljam jasaý dáldigin arttyryp, óndiristik sheshimderdi jedel qabyldaýǵa, táýekelderdi azaitýǵa jáne mineraldyq-shikizat qoryn tiimdi tolyqtyrýǵa múmkindik beredi.
