«Qazaqmys korporatsiiasy» JShS ózine qarasty kásiporyndardyń áleýmettik-turmystyq infraqurylymyn jańartý boiynsha aýqymdy baǵdarlamany jalǵastyrýda. Joba aiasynda ákimshilik-turmystyq keshender, jataqhanalar, ashanalar, meditsinalyq pýnktter men jýynatyn bólmeler jóndeýden ótýde. Biyl kompaniia boiynsha 80-nen astam nysan jańartylady, olardyń kópshiligi ondaǵan jyldar boiy paidalanylǵannan keiin alǵash ret kúrdeli jóndeýge alynyp otyr. Baǵdarlamanyń jalpy biýdjeti 2,4 mlrd teńgeni quraidy, dep habarlaidy Ult.kz.
Jańa kezeńniń negizgi nysandarynyń biri — investitsiia kólemi 113,4 mln teńgeden asatyn «Nurqazǵan» kenishi. Munda bir mezgilde birneshe ǵimaratta kúrdeli jóndeý júrip jatyr: ákimshilik ǵimarattardyń qasbetteri jańartylyp, jylytý jumystary júrgizilýde, sondai-aq qyzmettik úi-jailar men jýynatyn bólmeler qaita jańǵyrtylýda.
Sondai-aq Nurqazǵan, Qaraǵaily jáne Balqash baiytý fabrikalary men Balqash Tau-Ken Öndirisi filialynyń bólimshelerinde de aýqymdy jumystar bastaldy. Bul óndiris oryndarynda injenerlik jeliler, shatyrlar, jýynatyn bólmeler men ákimshilik bólmeler kúrdeli jóndelip jatyr. Bul maqsatqa 367 mln teńgeden astam qarajat bólindi.
«Saiaq» kenishinde ákimshilik keshenderdi, ǵimarat qasbetterin jóndeý jáne irgeles aýmaqty abattandyrýmen qatar, №17 «Tastaý» ashanasyn kúrdeli jóndeýge 187,2 mln teńgeden astam qarjy qarastyrylǵan. Al «Shatyrkól» kenishinde 31 mln teńgeden astam somaǵa injenerlik-tehnikalyq qyzmetkerler jataqhanasy, qonaqúi, medpýnkt, kir jýý kesheni jáne demalys bólmeleri retke keltirilýde.
Infraqurylymdy kezeń-kezeńimen modernizatsiialaý óndiristik alańdardy qaýipsizdik pen jailylyqtyń zamanaýi talaptaryna sáikestendirýge, sondai-aq qyzmetkerlerdiń eńbek etýi men demalysy úshin sapaly jaǵdai jasaýǵa baǵyttalǵan.
