«Abyz» kenishinde 150 jumyskerge arnalǵan jataqhanada aǵymdaǵy jóndeý jumysy júrgizilýde. «Qazaqmys korporatsiiasy» JShS nysandy jańartýǵa 126 mln teńge baǵyttady.
Jóndeý jumysy jatyn bólmeler men ortaq paidalanylatyn oryndardy qamtidy. Bólmelerde qabyrǵa, tóbe jáne eden jabyny, esikter men terezelerdiń jaqtaýy, sondai-aq elektr jabdyǵy jańartylýda. Dálizderde, holda árleý jumysy júrgizilip, sanitarlyq-turmystyq bólmelerde santehnika men kafel aýystyrylýda. Buǵan qosa jaryqtandyrý júiesi keshendi túrde jańartylýda.
Jataqhananyń jalpy aýdany 969,5 sharshy metrdi quraidy. Jóndeý jumysy jumyskerlerdiń turýyna kedergi keltirmei, kezeń-kezeńimen júrgizilýde. Jóndeý júrgizý úshin bir ýaqytta eki bólme bosatylady, al onda turatyn jumyskerler aýysymdyq jumys kestesin eskere otyryp, ýaqytsha basqa bólmelerge ornalastyrylady.
Jataqhanany jańartý jumysyn 2026 jyldyń sońyna deiin aiaqtaý josparlanǵan. Jumys aiaqtalǵannan keiin kenish jumyskerleri jańartylǵan turǵyn jáne turmystyq bólmelerde aýysym arasynda qolaily jaǵdaida demalý múmkindigine ie bolady.
«Abyz» kenishiniń jataqhanasyn jóndeý Qazaqmys kásiporyndarynyń áleýmettik-turmystyq infraqurylymyn jańartý jónindegi aýqymdy baǵdarlamanyń bir bóligi bolyp tabylady. 2026 jyly kompaniia áleýmettik-turmystyq maqsattaǵy 80-nen astam nysandy jańartýǵa 2,4 mlrd teńge baǵyttady. Baǵdarlama ákimshilik-turmystyq keshenderdi, meditsinalyq pýnktterdi, jataqhanalardy, ashanalardy, jýynatyn bólmelerin jáne kásiporyn jumysshylary kúndelikti paidalanatyn basqa da nysandardy qamtidy.
Áleýmettik-turmystyq infraqurylymdy jańartý jumys oryndarynda ǵana emes, sonymen qatar jumysshylardyń turýyna, demalýyna jáne kúsh-qýatyn qalpyna keltirýine arnalǵan nysandarda da zamanaýi ári jaily jaǵdai jasaýǵa baǵyttalǵan.
Qazaqmys «Abyz» kenishindegi 150 oryndyq jataqhanany jóndep jatyr
