«Qazaqmys korporatsiiasy» JShS taý-ken shahta jabdyǵynyń senimdiligin arttyrý baǵdarlamasyn júzege asyrýda. Osy maqsatta aǵymdaǵy jáne kúrdeli jóndeý jumysyn júrgizýge, negizgi toraptardy qalpyna keltirýge jáne kásiporyndardy qosalqy bólshektermen qamtamasyz etýge kompaniia qosymsha 6,7 mlrd teńge baǵyttady.
Bólingen qarajat jabdyqtyń tehnikalyq daiyndyǵyn tiisti deńgeide ustap turýǵa, óndiristik úderistiń senimdiligin arttyrýǵa jáne kásiporyndardyń turaqty jumysyn qamtamasyz etýge múmkindik beredi.
Jalpy qarjylandyrý kóleminiń 1,463 mlrd teńgesin aǵymdaǵy jóndeý jumysyna, al 5,313 mlrd teńgesin ózdiginen júretin taý-ken shahta jabdyǵynyń negizgi toraptaryn kúrdeli jóndeýge jáne qalpyna keltirýge baǵyttaý kózdelgen.
Qarjylandyrýdyń negizgi bóligi – jalpy kólemniń 77%-yn quraityn 5,2 mlrd teńgesi – Jezqazǵan óńiriniń kásiporyndaryna baǵyttaldy. Balqash óńirine 835 mln teńge, Qaraǵandy óńirine 725 mln teńge qarastyrylǵan. Qarajat óndiristik júkteme kólemin, paidalanylatyn tehnika sanyn jáne óńirlerde jóndeý baǵdarlamasyn iske asyrý qajettiligin eskere otyryp bólindi.
Baǵdarlama aiasynda taý-ken shahta jabdyǵynyń 216 torabyn qalpyna keltirý kózdelgen. Búginde 28 torap tolyq qalpyna keltirilip, 15 torap jańasyna aýystyryldy. Taǵy 80 torap boiynsha tapsyrys berilse, 124 torapqa qatysty jumys qoldanystaǵy shart somasyn ulǵaitý aiasynda júzege asyrylýda.
Jóndeý baǵdarlamasy belsendi kezeńge jetti. Qazirgi ýaqytta bólingen qarajattyń 1,216 mlrd teńgesi igerildi, taǵy 4,797 mlrd teńgesi jóndeý jumysyn oryndaýǵa baǵyttaldy. Qalǵan qarajat aǵymdaǵy jáne kúrdeli jóndeý jumysyn jalǵastyrýǵa, toraptar men qosalqy bólshekter qoryn tolyqtyrýǵa, sondai-aq jyl sońyna deiin jóndeý bólimshelerin qajetti materialmen qamtamasyz etýge jumsalady.
2026 jyldyń birinshi jartyjyldyǵynyń qorytyndysy boiynsha «Qazaqmys korporatsiiasy» JShS-na tiesili taý-ken shahta jabdyǵynyń parki 747 tehnika birligin quraidy. Jabdyqtardyń tehnikalyq daiyndyq koeffitsienti (TDK) 0,84 deńgeiinde. Bul josparly kórsetkishke sáikes keledi jáne óndiristik mindetti oryndaýǵa qajetti tehnikanyń daiyndyq deńgeiin jáne kásiporyndardyń turaqty jumysyn qamtamasyz etedi.
Jabdyqtyń senimdiligin arttyrý – Qazaqmystyń óndiristik aktivterdi jańartý baǵdarlamasyndaǵy negizgi baǵyttardyń biri. Kompaniia jóndeý jumysynyń kólemin kezeń-kezeńimen ulǵaityp, jóndeý infraqurylymyn nyǵaitýda, sondai-aq kásiporyndardy qajetti materialdyq-tehnikalyq resýrstarmen qamtamasyz etip, tehnikany qaýipsiz ári tiimdi paidalanýǵa jaǵdai jasaýda.
Qazaqmys 6,7 mlrd teńgege taý-ken shahta jabdyǵynyń senimdiligin arttyrý baǵdarlamasyn júzege asyrýda
