Memlekettik akademiialyq qýyrshaq teatry Rýmyniianyń Kraiova qalasynda ótken álemdik deńgeidegi «The Craiova International Shakespeare Festival» festivalinde eresekterge arnalǵan «Romeo men Djýletta» spektaklin usynyp, eýropalyq kórermenniń joǵary baǵasyna ie boldy, dep habarlaidy ult.kz.
1994 jyldan beri uiymdastyrylyp kele jatqan bedeldi festival biyl álemniń 28 elinen kelgen 90-nan astam teatr ujymyn biriktirdi. On kúnge sozylǵan mádeni shara aiasynda 300-ge jýyq is-shara ótti.
Qazaqstandyq teatr festivalge arnaiy shaqyrtýmen qatysyp, álemge áigili mahabbat hikaiasyn kameralyq formatta jańasha usyndy. Kórsetilimnen keiin kórermender uzaq ýaqyt qol soǵyp, qoiylymnyń joǵary deńgeiin atap ótti.
Teatr mamandary akterlerdiń sheberligine, qýyrshaq júrgizý mádenietine jáne spektakldiń kórkemdik sheshimine joǵary baǵa berdi. Nátijesinde shyǵarmashylyq ujym 2027 jyly Rýmyniiada ótetin halyqaralyq teatr festivaline arnaiy shaqyrtý aldy.
Sonymen qatar Memlekettik akademiialyq qýyrshaq teatry Taldyqorǵanda ótken IV Halyqaralyq «BIKEN FEST» teatr festivalinde de tabysty óner kórsetti. Teatr ujymy kórermenderge «Men kimmin...» psihologiialyq dramasyn usynyp, halyqaralyq sarapshylardyń joǵary baǵasyna ie boldy.
Festival qorytyndysynda teatrǵa TÜRKSOY halyqaralyq uiymynyń qoldaýymen ótetin halyqaralyq festivalge qatysýǵa joldama berildi.
