Týrnir 15-16 jeltoqsan kúnderi Aqtóbe qalasynda ótedi, dep habarlaidy "Ult aqparat".
Qazaq kúresinen álem chempionatyn «Qazaq Kuresi» halyqaralyq federatsiiasy uiymdastyryp otyr. Týrnirge 40-tan asa eldiń sportshysy qatysady. Olardyń qatarynda: Ýkraina, Grýziia, Avstriia, Norvegiia, Estoniia, Frantsiia, Irlandiia, Germaniia, Pákistan, Ózbekstan, Iran, Ulybritaniia, Qyrǵyzstan, Úndistan, Litva, Sloveniia, Resei jáne taǵy basqa elder bar. Balýandar 8 salmaq dárejesinde beldesedi.
Chempionatta Ýkraina, Resei, Qyrǵyzstan, Tájikstan, Grýziia, Litva jáne Armeniia memleketterinen kelgen 8 tóreshi jáne óz elimizden 12 tóreshi tórelik etedi.
Aitýly saiysqa jýyrda «Álem barysy-2019» jeńimpazy atanyp, eki dúrkin chempion Aibek Nuǵymarovty jeńgen reseilik Roman Bobikov ta qatysatynyn rastap otyr. Reseilik sportshy +100 salmaqta jáne absoliýtti salmaqta beldesedi.
Jarystyń bas tóreshisi retinde – halyqaralyq dárejedegi Qazaqstan Respýblikasynyń sport sheberi, Qazaqstan Respýblikasynyń eńbek sińirgen bapkeri, PhD doktory Erbola Myrzabosynov taǵaiyndaldy. Qazaq Kuresi halyqaralyq federatsiiasy altyn, kúmis, qola medaldardan bólek, úzdik tehnika, ádemi ádis jáne taǵy basqa tehnikasymen erekshelengen sportshylardy marapattaidy.
