تۋرنير 15-16 جەلتوقسان كٷندەرٸ اقتٶبە قالاسىندا ٶتەدٸ, دەپ حابارلايدى "ۇلت اقپارات".
قازاق كٷرەسٸنەن ەلەم چەمپيوناتىن «Qazaq Kuresi» حالىقارالىق فەدەراتسيياسى ۇيىمداستىرىپ وتىر. تۋرنيرگە 40-تان اسا ەلدٸڭ سپورتشىسى قاتىسادى. ولاردىڭ قاتارىندا: ۋكراينا, گرۋزييا, اۆسترييا, نورۆەگييا, ەستونييا, فرانتسييا, يرلاندييا, گەرمانييا, پەكٸستان, ٶزبەكستان, يران, ۇلىبريتانييا, قىرعىزستان, ٷندٸستان, ليتۆا, سلوۆەنييا, رەسەي جەنە تاعى باسقا ەلدەر بار. بالۋاندار 8 سالماق دەرەجەسٸندە بەلدەسەدٸ.
چەمپيوناتتا ۋكراينا, رەسەي, قىرعىزستان, تەجٸكستان, گرۋزييا, ليتۆا جەنە ارمەنييا مەملەكەتتەرٸنەن كەلگەن 8 تٶرەشٸ جەنە ٶز ەلٸمٸزدەن 12 تٶرەشٸ تٶرەلٸك ەتەدٸ.
ايتۋلى سايىسقا جۋىردا «ەلەم بارىسى-2019» جەڭٸمپازى اتانىپ, ەكٸ دٷركٸن چەمپيون ايبەك نۇعىماروۆتى جەڭگەن رەسەيلٸك رومان بوبيكوۆ تا قاتىساتىنىن راستاپ وتىر. رەسەيلٸك سپورتشى +100 سالماقتا جەنە ابسوليۋتتٸ سالماقتا بەلدەسەدٸ.
جارىستىڭ باس تٶرەشٸسٸ رەتٸندە – حالىقارالىق دەرەجەدەگٸ قازاقستان رەسپۋبليكاسىنىڭ سپورت شەبەرٸ, قازاقستان رەسپۋبليكاسىنىڭ ەڭبەك سٸڭٸرگەن باپكەرٸ, PhD دوكتورى ەربولا مىرزابوسىنوۆ تاعايىندالدى. Qazaq Kuresi حالىقارالىق فەدەراتسيياسى التىن, كٷمٸس, قولا مەدالداردان بٶلەك, ٷزدٸك تەحنيكا, ەدەمٸ ەدٸس جەنە تاعى باسقا تەحنيكاسىمەن ەرەكشەلەنگەن سپورتشىلاردى ماراپاتتايدى.
