Almatyda Qazaqstanda alǵash ret dark-triller janrynda túsirilgen «Búrkitshi» kórkem filminiń jabyq kórsetilimi ótti, dep habarlaidy ult.kz.
Film oqiǵasy aýyldaǵy búrkitshi men politsiia qyzmetkeriniń qylmysty tergeýinen bastalady. Olar birinen soń biri oryn alǵan jumbaq oqiǵalardyń izin qýyp, túrli kedergilerge tap bolady. Basty keiipker qandai jaǵdaiǵa qaramastan, aqiqatty tabýǵa tyrysady.
Týyndyda jaýapkershilik, ádildik jáne tańdaý máselelerine erekshe mán berilgen. Al búrkitshilik óneri detektivtik jelimen astasyp, filmge ulttyq reńk beredi.
«Búrkitshi» Almaty oblysynda túsirilgen. Filmniń rejisseri – Qýanysh Stahanov. Basty rólderdi Zarina Karmen men Berik Aitjanov somdaǵan. Sondai-aq kartinada Qýandyq Júnisov, Ainur Bermuhambetova, Eldos Shaikenov, Ermek Shynbolatov, Merei Maqajan, Jasulan Kópbergen jáne Aijan Pernebekova oinaidy.
Kartina Mádeniet jáne aqparat ministrliginiń tapsyrysy boiynsha, Ulttyq kinony qoldaý memlekettik ortalyǵynyń qoldaýymen Sháken Aimanov atyndaǵy «Qazaqfilm» kinostýdiiasynda túsirilgen.
Aita keteiik, «Búrkitshi» áleýmettik mańyzy bar filmder qataryna jatady. Joba 2024 jyly «Zań men tártip» taqyrybynda ótken kinojobalar baiqaýynda jeńimpaz atanǵan.
Filmniń Astanadaǵy kórsetilimi 9 qyrkúiekke josparlanǵan. Al 10 qyrkúiekten bastap «Búrkitshi» elimizdiń kinoteatrlarynda keń prokatqa shyǵady.
