Qaraǵandy oblysynda jol apaty bolyp, saldarynan kókshetaýlyq «Elim-Ai» klýbynyń oiynshysy Ilia Býrtovoi qaitys boldy, dep habarlaidy ult.kz.
Qaiǵyly oqiǵa Abai-Qaraǵandy avtojolynda bolǵan. Apattan keiin 29 jastaǵy fýtbolshy aýyr jaǵdaida professor H.J. Maqajanov atyndaǵy kópsalaly aýrýhanaǵa jetkizilgen. Alaida dárigerler onyń ómirin saqtap qala almady.
Ilia Býrtovoi fýtboldaǵy mansabyn 2015 jyly «Shahter-Býlat» komandasynda bastaǵan. Keiin fýtzalǵa aýysyp, Qaraǵandynyń «Progress» klýby sapynda Qazaqstan kýbogynda óner kórsetken. Sonymen qatar ol «Skaýt» balalar fýtbol klýbynda jattyqtyrýshy bolyp jumys istegen.
Býrtovoi eldegi úzdik áýesqoi komandalardyń biri sanalatyn FC BIRLIK quramynda da oinaǵan. Ótken jyly atalǵan komandamen birge shaǵyn fýtboldan álem chempionatyna qatysqan.
2025 jyly ol Kókshetaýdyń «Elim-Ai» klýby sapynda Qazaqstan kýbogy men Birinshi liga oiyndarynda alańǵa shyqqan.
Ilia Býrtovoi 1996 jyly dúniege kelgen.
Eske salaiyq, byltyr qazan aiynda «Han Táńiri» fýtbol klýbynyń 19 jastaǵy shabýylshysy Dias Tóleý match kezinde kóz jumǵan edi.
