قاراعاندى وبلىسىندا جول اپاتى بولىپ, سالدارىنان كٶكشەتاۋلىق «ەلٸم-اي» كلۋبىنىڭ ويىنشىسى يليا بۋرتوۆوي قايتىس بولدى, دەپ حابارلايدى ult.kz.
قايعىلى وقيعا اباي-قاراعاندى اۆتوجولىندا بولعان. اپاتتان كەيٸن 29 جاستاعى فۋتبولشى اۋىر جاعدايدا پروفەسسور ح.ج. ماقاجانوۆ اتىنداعى كٶپسالالى اۋرۋحاناعا جەتكٸزٸلگەن. الايدا دەرٸگەرلەر ونىڭ ٶمٸرٸن ساقتاپ قالا المادى.
يليا بۋرتوۆوي فۋتبولداعى مانسابىن 2015 جىلى «شاحتەر-بۋلات» كومانداسىندا باستاعان. كەيٸن فۋتزالعا اۋىسىپ, قاراعاندىنىڭ «پروگرەسس» كلۋبى ساپىندا قازاقستان كۋبوگىندا ٶنەر كٶرسەتكەن. سونىمەن قاتار ول «سكاۋت» بالالار فۋتبول كلۋبىندا جاتتىقتىرۋشى بولىپ جۇمىس ٸستەگەن.
بۋرتوۆوي ەلدەگٸ ٷزدٸك ەۋەسقوي كوماندالاردىڭ بٸرٸ سانالاتىن FC BIRLIK قۇرامىندا دا ويناعان. ٶتكەن جىلى اتالعان كوماندامەن بٸرگە شاعىن فۋتبولدان ەلەم چەمپيوناتىنا قاتىسقان.
2025 جىلى ول كٶكشەتاۋدىڭ «ەلٸم-اي» كلۋبى ساپىندا قازاقستان كۋبوگى مەن بٸرٸنشٸ ليگا ويىندارىندا الاڭعا شىققان.
يليا بۋرتوۆوي 1996 جىلى دٷنيەگە كەلگەن.
ەسكە سالايىق, بىلتىر قازان ايىندا «حان تەڭٸرٸ» فۋتبول كلۋبىنىڭ 19 جاستاعى شابۋىلشىسى دياس تٶلەۋ ماتچ كەزٸندە كٶز جۇمعان ەدٸ.
