Ekspertterdi daiarlaý jáne súiemeldeý baǵdarlamasynyń alǵashqy legine ótinim qabyldaý ashyq.
BAǴDARLAMA TÝRALY
Qazaq Expert Club Ál-Farabi atyndaǵy Qazaq ulttyq ýniversitetimen birlesip, PaperLab jáne TEDxAstana qoldaýymen jańa baǵdarlamany iske qosady. Baǵdarlama qoǵamdaǵy jańa oi kóshbasshylaryn tárbieleýge jáne uzaq merzimdi mediakarerany damytýǵa baǵyttalǵan. 5 aptalyq intensiv barysynda qatysýshylar ózderiniń media salasyndaǵy ornyn anyqtap, sheshim qabyldaityn tulǵalarmen turaqty bailanys ornatyp, kásibi yqpalyn arttyrady.
BUL NESIMEN MAŃYZDY?
Bizdiń áleýmettik missiiamyz - naqty dálelderge negizdelgen sheshim qabyldaý mádenietin (evidence-based decision-making) damytý. Qazaq Expert Club dezinformatsiiamen kúresip, qoǵamda senimdi saraptamalyq pikir qalyptastyrýdy kózdeidi. Biz úshin bilim men saraptamanyń monopoliiasy bolmaýy tiis. Sapaly saraptama - qarapaiym azamattan bastap memlekettik qurylymdarǵa deiin barshaǵa qoljetimdi bolýy kerek.
BAǴDARLAMA KIMDERGE ARNALǴAN?
• Media keńistiginde óz kúshin synap kórgen, saraptamalyq blogtar júrgizip, jańa aýditoriia izdeitinderge;
• Óziniń qoǵamdyq saraptamasyn tabys kózine ainaldyrýǵa nemese ony qoǵamdyq-saiasi yqpalǵa konvertatsiialaýǵa daiyn adamdarǵa;
• Tek keń aýditoriiamen ǵana emes, sonymen qatar decision makers — memlekettik organdarmen, biznes jáne ÚEU ókilderimen jumys isteýdi kózdeitin mamandarǵa;
• Óz brendimen júieli túrde jumys isteýge jáne kásibi qoldaýǵa daiyn sarapshylarǵa arnalǵan.
BAǴDARLAMANYŃ MAZMUNY
• 2025 jyldyń qarasha–jeltoqsan ailarynda Almaty qalasynda senbi kúnderi ótetin 5 oflain-intensiv (baǵdarlama jol jáne turý shyǵyndaryn ótemeidi);
• Uzaq merzimdi jeke ilgeriletý josparlary;
• Eń úzdik 5 qatysýshyǵa Qazaq Expert Club prodiýserlik ortalyǵymen kelisimshartqa otyrady;
• Júieli mediasúiemeldeý jáne saraptamalyq pikirlerge qoldaý;
• Memlekettik qurylymdarmen jáne biznes ókilderimen seriktestik ornatý múmkindikteri;
• Memlekettik organdar janyndaǵy saraptamalyq keńestermen jumys;
• Sheshim qabyldaityn tulǵalarmen jáne kásibi alańdarmen turaqty netvorking;
• Qatysýshylardy kommýnikatsiialyq súiemeldeý.
• Jumys tilderi: qazaq jáne orys.
KIMDI IZDEIMIZ?
Ekonomika jáne qarjy, quqyq jáne memlekettik basqarý, ekologiia jáne klimattyń ózgerýi, ýrbanistika jáne aýmaqtyq damý, sondai-aq basqa da áleýmettik-gýmanitarlyq ǵylymdar salalarynda magistr deńgeiinen tómen emes akademiialyq bilimi jáne/nemese naqty tájiribesi bar mamandar.
IRIKTEÝ KEZEŃDERI
• Ótinim qabyldaý: 15 qazannan bastap
• Suhbat kezeńi: sátti kandidattarmen suhbat (merzimi qosymsha habarlanady)
• Nátijeler: 1 qarashaǵa deiin jariialanady
BAǴDARLAMA TANYSTYRYLYMY
Baǵdarlamaǵa qyzyǵýshylyq tanytqan úmitkerler úshin arnaiy tanystyrylym ótedi. Onda biz joba missiiasyn, oqý modýlderiniń mazmunyn, irikteý kriteriilerin jáne oqý aiaqtalǵannan keiingi prodiýserlik qoldaý formatyn tanystyramyz. Bul sizge baǵdarlamaǵa qatysý týraly sanaly sheshim qabyldaýǵa kómektesedi.
Ótinimdi tómendegi silteme nemese bizdiń sait arqyly berýge bolady: https://docs.google.com/forms/d/e/1FAIpQLSdXP9-iLQQ4pcodt1Krl6jEechwp0P9lLLR2AhMR98gO60P2w/viewform?usp=header
Telegram: t.me/qazaqexpertclub
Instagram: @qazaqexpertclub
Barlyq suraqtar boiynsha myna elektrondy poshtaǵa jazsańyz bolady: qazaqexpertclub@gmail.com
