1 maýsymda «Qazaqmys» korporatsiiasynda asa qaýipti táýekelderdi basqarý jóninde uzaq merzimdi kommýnikatsiialyq naýqan bastaldy. Joba alty aiǵa josparlanǵan jáne qaýipsizdik mádenietin arttyrýǵa, óndiristik tártipti nyǵaitýǵa ári jumys ornynda qaýipsiz minez-qulyqtyń turaqty daǵdysyn qalyptastyrýǵa baǵyttalǵan.
Naýqan kompaniiada jariialanǵan Qaýipsizdik jyly aiasynda júzege asyrylyp, barlyq óndiristik bólimshelerdi qamtidy. Negizgi maqsaty – qaýipsizdik talabyn árbir qyzmetkerge qarapaiym ári túsinikti túrde jetkizý jáne óndiriste jazataiym oqiǵanyń aldyn alýǵa kómektesetin negizgi qaýipsizdik erejelerin barshaǵa túsinikti etýge qol jetkizý.
Óndiristik úderis pen ishki derekterdi taldaý nátijesi boiynsha kompaniia qaýipsizdik salasyndaǵy birqatar negizgi standartty jańartý týraly sheshim qabyldady. Aita keterligi, talaptardyń mazmuny ózgerissiz qaldy, alaida qujat barynsha túsinikti jáne tájiribede qoldanýǵa yńǵaily bolý úshin qaita jazyldy.
Baǵdarlama ai saiyn jańa taqyryp formatynda bolady. Jabdyqty jóndeý jáne tehnikalyq qyzmet kórsetý kezinde qoldanylatyn negizgi qaýipsizdik standartynyń biri – qaýipti energiia kózderin oqshaýlaý (EKO) alǵashqy taqyryp retinde tańdaldy.
Standarttyń basty qaǵidasy barynsha qarapaiym ári túsinikti túrde tujyrymdalǵan: «Buǵattaýsyz jumysqa kirispe».
Qaýipti energiia kózderin oqshaýlaý júiesi jabdyqty iske qosý qurylǵysyn jeke qorǵanys qulpymen mindetti buǵattaýdy kózdeidi. Jumysty oryndap júrgen qyzmetker qulypty ózi sheshpeiinshe, jabdyqty iske qosý múmkin emes. Mundai tásil jóndeý nemese tehnikalyq qyzmet kórsetý kezinde tehnikanyń kezdeisoq qosylyp ketý qaýpin edáýir tómendetýge múmkindik beredi.
«Bizdiń basty maqsatymyz – aýysym sońynda árbir jumyskerdiń óz otbasyna aman-esen oralýyna jaǵdai jasaý. Biz tikelei ári túsinikti kommýnikatsiia formatyna kóship jatyrmyz. Kompaniia jumyskerlerdi barlyq qajetti qorǵanys quraldarymen qamtamasyz etedi, alaida erejeniń qaiǵyly jaǵdaidyń aldyn alatyn tosqaýylǵa ainalýy ár adamnyń tártibine bailanysty. Sondyqtan korporatsiianyń árbir jumyskeri qaýipsizdik talaby buzylǵan jaǵdaida kez kelgen jumysty toqtatýǵa quqyly jáne bul onyń tikelei mindeti», – dedi eńbekti qorǵaý jónindegi basqarýshy direktor Janbek Esmahanov.
Naýqan óndiristegi oqys oqiǵalardyń sebebin taldaýǵa negizdelgen jáne qaýipti energiiamen jumys isteý kezinde áreket etýdiń naqty erejesin bekitýge baǵyttalǵan. Ol energiia kózin anyqtap, tolyq ajyratýdan bastap qaldyq qysymdy túsirýge jáne jumysty bastar aldynda energiianyń bar-joǵyn mindetti tekserýge deiingi qaǵidalardy qamtidy.
Kompaniia baǵdarlamany iske asyrý arqyly qaýipsizdiktiń negizgi talaptaryn kúndelikti qalyptasqan daǵdyǵa ainaldyrýdy, erejeni durys túsiný qaǵidatyn qalyptastyrýdy jáne barlyq óndiristik nysanda jumyskerlerdiń qorǵalý deńgeiin arttyrýdy kózdep otyr.
