Memleket basshysy Halyqaralyq gimnastika federatsiiasynyń prezidenti (FIG) Morinari Vatanabemen jáne Aziia gimnastikalyq odaǵynyń (AGU) prezidenti Abdýlrahman Ál-Shatrimen kezdesti, dep habarlaidy ult.kz.
Áńgimelesý barysynda elimizde gimnastika sporty túrlerin damytý jáne nasihattaý boiynsha yntymaqtastyq perspektivasy talqylandy.
Qasym-Jomart Toqaev FIG jáne AGU uiymdarynyń Qazaqstan gimnastika federatsiiasyna kórsetip kele jatqan jan-jaqty qoldaýyn joǵary baǵalady.
Prezident búginde elimizde gimnastikanyń balalar men jastar arasynda tanymaldylyǵy arta túskenin atap ótti. Kóptegen jergilikti zaldarmen qatar, ulttyq qurama jattyǵatyn jáne halyqaralyq jarystar uiymdastyrylatyn úsh arnaýly keshen jumys isteidi.
Budan bólek, Memleket basshysynyń tapsyrmasymen Almaty qalasynda Ortalyq Aziiadaǵy eń iri ári biregei Gimnastika ortalyǵynyń qurylysy bastaldy.
Qasym-Jomart Toqaev Qazaqstannyń aýqymdy sport is-sharalaryn ótkizýde aitarlyqtai tájiribe jinaǵanyna toqtaldy.
Memleket basshysy elimizdiń sport salasyn damytý jáne iri halyqaralyq dodalardy ótkizý boiynsha birlesken bastamalardy qarastyrýǵa daiyn ekenin rastady.
Morinari Vatanabe men Abdýlrahman Ál-Shatri Qazaqstan basshylyǵynyń kásibi jáne buqaralyq sportqa kórsetip otyrǵan qoldaýyna oń baǵa berdi.
Meimandar elimizdiń dańqyn álemdik arenalarda asqaqtatyp júrgen qazaqstandyq atletterdiń jetistigine erekshe nazar aýdardy.
Memleket basshysy Qazaqstanda jáne álemde gimnastika sportyn damytýǵa sińirgen eńbegi úshin Halyqaralyq gimnastika federatsiiasynyń prezidenti Morinari Vatanabeni I dárejeli «Dostyq» ordenimen, al Aziia gimnastikalyq odaǵynyń prezidenti Abdýlrahman Ál-Shatridi II dárejeli «Dostyq» ordenimen marapattady.
