مەملەكەت باسشىسى حالىقارالىق گيمناستيكا فەدەراتسيياسىنىڭ پرەزيدەنتٸ (FIG) موريناري ۆاتانابەمەن جەنە ازييا گيمناستيكالىق وداعىنىڭ (AGU) پرەزيدەنتٸ ابدۋلراحمان ەل-شاتريمەن كەزدەستٸ, دەپ حابارلايدى ult.kz.
ەڭگٸمەلەسۋ بارىسىندا ەلٸمٸزدە گيمناستيكا سپورتى تٷرلەرٸن دامىتۋ جەنە ناسيحاتتاۋ بويىنشا ىنتىماقتاستىق پەرسپەكتيۆاسى تالقىلاندى.
قاسىم-جومارت توقاەۆ FIG جەنە AGU ۇيىمدارىنىڭ قازاقستان گيمناستيكا فەدەراتسيياسىنا كٶرسەتٸپ كەلە جاتقان جان-جاقتى قولداۋىن جوعارى باعالادى.
پرەزيدەنت بٷگٸندە ەلٸمٸزدە گيمناستيكانىڭ بالالار مەن جاستار اراسىندا تانىمالدىلىعى ارتا تٷسكەنٸن اتاپ ٶتتٸ. كٶپتەگەن جەرگٸلٸكتٸ زالدارمەن قاتار, ۇلتتىق قۇراما جاتتىعاتىن جەنە حالىقارالىق جارىستار ۇيىمداستىرىلاتىن ٷش ارناۋلى كەشەن جۇمىس ٸستەيدٸ.
بۇدان بٶلەك, مەملەكەت باسشىسىنىڭ تاپسىرماسىمەن الماتى قالاسىندا ورتالىق ازيياداعى ەڭ ٸرٸ ەرٸ بٸرەگەي گيمناستيكا ورتالىعىنىڭ قۇرىلىسى باستالدى.
قاسىم-جومارت توقاەۆ قازاقستاننىڭ اۋقىمدى سپورت ٸس-شارالارىن ٶتكٸزۋدە ايتارلىقتاي تەجٸريبە جيناعانىنا توقتالدى.
مەملەكەت باسشىسى ەلٸمٸزدٸڭ سپورت سالاسىن دامىتۋ جەنە ٸرٸ حالىقارالىق دودالاردى ٶتكٸزۋ بويىنشا بٸرلەسكەن باستامالاردى قاراستىرۋعا دايىن ەكەنٸن راستادى.
موريناري ۆاتانابە مەن ابدۋلراحمان ەل-شاتري قازاقستان باسشىلىعىنىڭ كەسٸبي جەنە بۇقارالىق سپورتقا كٶرسەتٸپ وتىرعان قولداۋىنا وڭ باعا بەردٸ.
مەيماندار ەلٸمٸزدٸڭ داڭقىن ەلەمدٸك ارەنالاردا اسقاقتاتىپ جٷرگەن قازاقستاندىق اتلەتتەردٸڭ جەتٸستٸگٸنە ەرەكشە نازار اۋداردى.
مەملەكەت باسشىسى قازاقستاندا جەنە ەلەمدە گيمناستيكا سپورتىن دامىتۋعا سٸڭٸرگەن ەڭبەگٸ ٷشٸن حالىقارالىق گيمناستيكا فەدەراتسيياسىنىڭ پرەزيدەنتٸ موريناري ۆاتانابەنٸ I دەرەجەلٸ «دوستىق» وردەنٸمەن, ال ازييا گيمناستيكالىق وداعىنىڭ پرەزيدەنتٸ ابدۋلراحمان ەل-شاتريدٸ II دەرەجەلٸ «دوستىق» وردەنٸمەن ماراپاتتادى.
