Ulttyq qaýipsizdik komitetiniń Shekara qyzmeti shilde aiyndaǵy qyzmet qorytyndysyn jariialady. Resmi málimetke sáikes, bir ai ishinde Qazaqstannyń memlekettik shekarasynda 4 975 zańbuzýshy ustalǵan. Olardyń 4 346-sy – shetel azamattary, dep habarlaidy ult.kz.
Shekarashylar jalpy quny 3,9 mlrd teńgeni quraityn taýarlar men júkterdi zańsyz ótkizýdiń 2 476 áreketiniń jolyn kesken.
Olardyń ishinde:
39 derek – esirtki zattaryn zańsyz alyp ótýge;
88 derek – qarý-jaraq pen oq-dárilerge (108 dana sýyq qarý jáne 2 131 oq-dári);
1 808 derek – jalpy kólemi 150 tonnadan asatyn, quny 33,4 mln teńge bolatyn janar-jaǵarmai materialdaryna;
392 derek – jalpy quny 1,3 mlrd teńgeden asatyn halyq tutynatyn taýarlarǵa;
149 derek – shamamen 2,1 mlrd teńge kólemindegi shetel valiýtasyn zańsyz alyp ótýge qatysty.
Sonymen qatar Kaspii teńizi akvatoriiasynda 34 brakonerlik faktisiniń joly kesildi. Shekarashylar 24,6 shaqyrym zańsyz aýlaý quralyn jáne 103 dana bekire tuqymdas balyqty (580 keli) tárkiledi. Aldyn alynǵan ekologiialyq shyǵyn 251 mln teńgeden asty.
Atalǵan derekter boiynsha 63 qylmystyq is qozǵalyp, sotqa deiingi tergeý júrgizilip jatyr.
Budan bólek, 4 295 ákimshilik is qaralýda. Olardyń aiasynda 38 mln teńgeden astam aiyppul salynǵan.
