Almaty oblysynyń Boraldai kentinde jaiaý júrginshiler ótkelinen ótip bara jatqan qart áieldi qaǵyp, oqiǵa ornynan qashyp ketken moped júrgizýshisi ustaldy, dep habarlaidy Ult.kz, Qaz365.kz-ke silteme jasap.
Oqiǵa saldarynan egde jastaǵy áiel túrli dene jaraqatyn alǵan. Moped júrgizýshisi jol-kólik oqiǵasynan keiin oqiǵa ornyn tastap ketken.
Politsiia qyzmetkerleri jedel izdestirý is-sharalaryn júrgizip, kúdiktiniń jeke basyn qysqa ýaqyt ishinde anyqtady.
Vedomstvonyń málimetinshe, jol-kólik oqiǵasy kezinde jaiaý júrginshimen qatar moped júrgizýshisi de jaraqat alyp, ekeýi de meditsinalyq mekemege jetkizilgen.
Qazirgi ýaqytta moped júrgizýshisi jol qozǵalysy erejelerin buzyp, jol-kólik oqiǵasy bolǵan jerden ketip qalǵany úshin ákimshilik jaýapkershilikke tartyldy.
Politsiia jol qozǵalysyna qatysýshylardy jol erejesin qatań saqtaýǵa jáne jol-kólik oqiǵasy bolǵan jaǵdaida oqiǵa ornyn óz betinshe tastap ketpeýge shaqyrdy.
