20 myńnan astam qonaqty jinaǵan BaiQymyz etno-gastrofestivalinde elimizdiń úzdik qymyz óndirýshileri anyqtaldy. Baiqaýǵa aldyn ala irikteýden jáne zerthanalyq saraptamadan ótken 37 óndirýshi qatysty, dep habarlaidy ult.kz.
5 million teńge kólemindegi bas júlde men «Úzdik qymyz óndirýshi» ataǵyn «Qarqaraly Aqterek» brendi ielendi. Júldeli oryndar qatarynan Qarqaralynyń «Toqpan qymyzy» jáne Ulytaý oblysynyń «Jańaarqa qymyzy» oryn aldy.
Festival qonaqtaryna 30 tonnaǵa jýyq qymyz usynylyp, etnoaýyldar, ulttyq sport túrlerinen jarystar, gastronomiialyq alańdar men kontserttik baǵdarlama uiymdastyryldy.
Biyldan bastap BaiQymyz festivali respýblikalyq mádeni-týristik is-sharalar kúntizbesine engizilip, jyl saiyn turaqty túrde ótkiziletin bolady.
«Kazakh Tourism» UK» AQ óńirlerdiń týristik tartymdylyǵyn arttyrýǵa, ulttyq mádenietti dáripteýge jáne eldiń týristik áleýetin ilgeriletýge baǵyttalǵan oqiǵaly týrizmdi júieli túrde qoldap keledi.
