Úkimette QR Premer-Ministri Álihan Smaiylovtyń tóraǵalyǵymen ótken keńeste Qarmet kompaniiasynyń aǵymdaǵy jumysy men kásiporyndy odan ári damytýdyń ózekti máseleleri qaraldy, dep habarlaidy "Ult aqparat" primeminister.kz saityna silteme jasap.
Ortalyq memlekettik organdardyń birinshi basshylary jáne jańa investordyń qatysýymen kásiporynnyń operatsiialyq protsesterin turaqtandyrý, ony qajetti shikizatpen qamtamasyz etý, sondai-aq birqatar quqyqtyq rásimderdi júrgizý sharalary talqylandy.
Odan bólek, kombinat jabdyqtaryn jańǵyrtýdy, zamanaýi óndiris tehnologiialaryn engizýdi jáne ónerkásiptik qaýipsizdik standarttaryn arttyrýdy kózdeitin investitsiialyq baǵdarlamany iske asyrý máseleleri qaraldy. Atap aitqanda, birinshi kezeńde osy maqsattarǵa shamamen $1,3 mlrd jeke investitsiialar bólinetin bolady.
Premer-Ministr kásiporyn jumysshylary aldyndaǵy barlyq mindettemelerdi ýaqtyly oryndaý qajettigin atap ótti. Úkimet basshysy osyǵan orai, óndiristi odan ári serpindi damytýdyń, shyǵarylatyn ónim kólemin ulǵaitýdyń jáne anyqtalǵan ekologiialyq zańnama talaptaryn buzýshylyqtardy kezeń-kezeńimen joiýdyń mańyzdylyǵyn atap ótti.
Talqylaý qorytyndysy boiynsha Álihan Smaiylov ortalyq memlekettik organdarǵa aǵymdaǵy máselelerdi sheshýde kásiporynǵa qajetti qoldaý kórsetýdi jáne investormen birlesip, Qarmet-ti damytýdyń árbir baǵyty boiynsha naqty is-qimyl josparyn ázirleýdi tapsyrdy.
