Qaraǵandyda saiajai qaýymdastyǵynyń tóraǵasy men jergilikti belsendi áiel qarýdan atylǵan oq jaraqatynan qaza tapty. Kúdikti ustalyp, qylmysyn moiyndaǵan, dep habarlaidy ult.kz.
Bókeihanov aýdanyndaǵy «Optimist» saiajai qaýymdastyǵy aýmaǵyndaǵy úilerdiń birinen 43 jastaǵy er adam men 55 jastaǵy áieldiń denesi tabyldy. Ekeýiniń de denesinde oq jaraqaty bolǵan.
Qaza tapqan er adam saiajai qaýymdastyǵynyń tóraǵasy ári zańger bolǵan. Al áiel jergilikti qoǵam belsendisi retinde belgili.
Politsiia kúdikti retinde Qaraǵandynyń 56 jastaǵy turǵynyn ustady. Er adam óz kinásin moiyndaǵan.
«Kúdikti ýaqytsha ustaý izoliatoryna qamaldy. Qazirgi ýaqytta bolǵan oqiǵanyń barlyq mán-jaiyn anyqtaýǵa baǵyttalǵan qajetti tergeý amaldary júrgizilip jatyr», dep habarlady Qaraǵandy oblysy politsiia departamentiniń baspasóz qyzmeti.
Saiajai turǵyndarynyń aitýynsha, eki adamnyń ólimine saiajai qaýymdastyǵy tóraǵasynyń qyzmetine qatysty týyndaǵan janjal sebep bolýy múmkin.
