قاراعاندىدا ساياجاي قاۋىمداستىعىنىڭ تٶراعاسى مەن جەرگٸلٸكتٸ بەلسەندٸ ەيەل قارۋدان اتىلعان وق جاراقاتىنان قازا تاپتى. كٷدٸكتٸ ۇستالىپ, قىلمىسىن مويىنداعان, دەپ حابارلايدى ult.kz.
بٶكەيحانوۆ اۋدانىنداعى «وپتيميست» ساياجاي قاۋىمداستىعى اۋماعىنداعى ٷيلەردٸڭ بٸرٸنەن 43 جاستاعى ەر ادام مەن 55 جاستاعى ەيەلدٸڭ دەنەسٸ تابىلدى. ەكەۋٸنٸڭ دە دەنەسٸندە وق جاراقاتى بولعان.
قازا تاپقان ەر ادام ساياجاي قاۋىمداستىعىنىڭ تٶراعاسى ەرٸ زاڭگەر بولعان. ال ەيەل جەرگٸلٸكتٸ قوعام بەلسەندٸسٸ رەتٸندە بەلگٸلٸ.
پوليتسييا كٷدٸكتٸ رەتٸندە قاراعاندىنىڭ 56 جاستاعى تۇرعىنىن ۇستادى. ەر ادام ٶز كٸنەسٸن مويىنداعان.
«كٷدٸكتٸ ۋاقىتشا ۇستاۋ يزولياتورىنا قامالدى. قازٸرگٸ ۋاقىتتا بولعان وقيعانىڭ بارلىق مەن-جايىن انىقتاۋعا باعىتتالعان قاجەتتٸ تەرگەۋ امالدارى جٷرگٸزٸلٸپ جاتىر», دەپ حابارلادى قاراعاندى وبلىسى پوليتسييا دەپارتامەنتٸنٸڭ باسپاسٶز قىزمەتٸ.
ساياجاي تۇرعىندارىنىڭ ايتۋىنشا, ەكٸ ادامنىڭ ٶلٸمٸنە ساياجاي قاۋىمداستىعى تٶراعاسىنىڭ قىزمەتٸنە قاتىستى تۋىنداعان جانجال سەبەپ بولۋى مٷمكٸن.
