Qaraǵandyda ózin emshi ári balger retinde tanystyrǵan úsh áiel 78 jastaǵy zeinetkerdi aldap, 15 million teńge turatyn altyn buiymdary men aqshasyn iemdenip ketken, dep habarlaidy ult.kz.
Polisia.kz málimetinshe, oqiǵa ótken jyldyń jeltoqsanynda bolǵan. Kóshede jolyqqan áielder qariiaǵa «qarǵys baryn» aityp, odan arylý úshin túrli yrym-joralǵy jasaǵan. Keiin altyn buiymdary men aqshasyn gazetke orap berýdi surap, ornyna mórlengen túiinshek ustatqan.
Sol túni túiinshekti ashqan zeinetker ishinde bos qaǵaz ǵana jatqanyn kórip, politsiiaǵa júgingen.
Jedel izdestirý barysynda kúdiktiler Temirtaýda ustaldy. Olar Pavlodar, Almaty jáne Jetisý oblysynyń turǵyndary bolyp shyqty. Qazir sotqa deiingi tergeý júrip jatyr, kúdiktiler ýaqytsha ustaý izoliatoryna qamaldy.
Politsiia azamattardy ózin balger nemese emshi retinde tanystyryp, aqsha ne baǵaly zat talap etetin alaiaqtarǵa senbeýge shaqyrdy.
