Qaraǵandy qalasynda dańqty batyr Baýyrjan Momyshulynyń esimi berilgen tóbedegi memorialdyq taqtany belgisiz bireýler qiratyp ketken. Oqiǵa qoǵamda úlken narazylyq týdyryp, politsiia tekserý jumystaryn bastady, dep habarlaidy ult.kz.
Oqiǵadan keiin qala turǵyny Ivan Strijakov áleýmettik jelide beineúndeý jariialap, mundai áreketti batyrdyń rýhyna jasalǵan qurmetsizdik dep baǵalady. Onyń aitýynsha, memorialdyq taqta taspen urylyp, ádeii syndyrylǵan.
«Bul jerge týrister de, qoǵamdyq uiymdardyń ókilderi de jii kelip, Baýyrjan Momyshulynyń rýhyna taǵzym etedi. Osyndai tarihi orynǵa qol kótergenderdi aqtaýǵa bolmaidy», – dedi ol.
Qaraǵandy oblystyq politsiia departamenti atalǵan derek boiynsha tekserý bastalǵanyn málimdedi. Qazirgi ýaqytta memorialdyq taqtany búldirgen adamdardy anyqtaý jáne oqiǵanyń barlyq mán-jaiyn anyqtaý boiynsha jumystar júrgizilip jatyr.
