Úkimet Memleket basshysynyń zańsyz iemdenilgen aktivterdi memleket menshigine qaitarý jáne el damýyna baǵyttaý jónindegi tapsyrmalaryn júzege asyrý aiasynda Arnaýly memlekettik qordan Qyzylorda qalasynda jańa emhanany salýǵa jáne ony tehnikalyq jabdyqtaýǵa 6,5 mlrd teńge bóldi, dep habarlaidy ult.kz.
Áleýmettik infraqurylymdy damytý alǵashqy meditsinalyq-sanitariialyq kómekke qoljetimdilikti jaqsartýǵa múmkindik beredi.
Meditsinalyq nysan qalanyń temirjoldyń arǵy betindegi turǵyndary úshin salynyp jatyr. Qazirgi jumys istep turǵan emhana 1966 jyly salynǵan, tozý deńgeii joǵary ǵimaratta ornalasqan. Jańa meditsinalyq mekeme paidalanýǵa berilgennen keiin bir aýysymda 400-ge deiin naýqasty qabyldai alady jáne aýdannyń 35 myńnan astam turǵynyn meditsinalyq qyzmetpen qamtamasyz etedi.
Emhana qurylymy ambýlatoriialyq kómektiń negizgi baǵyttaryn: balalar men eresekterdi qabyldaý, jalpy dárigerlik praktika, áielder konsýltatsiiasy, kúndizgi statsionar jáne súzgi-bokstaryn qamtidy. Diagnostikalyq jáne ońaltý bloktary fýnktsionaldyq diagnostika, meditsinalyq ońaltý, stomatologiia kabinetterin, sondai-aq zerthana men zararsyzdandyrý bólimshesin biriktiredi.
Emhana zamanaýi meditsinalyq tehnikamen jabdyqtalady. Atap aitqanda, kompiýterlik tomograf, zamanaýi ýltradybystyq apparattar, rentgen apparattary jáne taǵy basqa da jabdyqtar ornatylady.
Qazirgi ýaqytta qurylys alańynda shatyr plitalaryn betondaý jáne birinshi qabattyń ishki bólý qabyrǵalarynyń kirpishterin qalaý jumystary bastaldy. Jobany jyl sońyna deiin aiaqtaý josparlanyp otyr.
Anyqtama:
2024–2026 jyldary Arnaýly memlekettik qordan 500-den astam áleýmettik mańyzdy jobany júzege asyrýǵa jalpy somasy 610 mlrd teńge qarajat bólindi. Onyń ishinde «densaýlyq saqtaý júiesin damytý» baǵyty boiynsha jalpy quny 170 mlrd teńgeden asatyn 191 joba qarjylandyryldy.
