Qyrǵyzstan astanasynda ótken IV Bishkek halyqaralyq kinofestivalinde qazaqstandyq «Qaitadan» filmi Ortalyq Aziia baiqaýynyń Gran-pri júldesine ie boldy, dep habarlaidy ult.kz.
Festival aiasynda Qazaqstan, Qyrǵyzstan, Ózbekstan, Tájikstan jáne Túrikmenstan kinogerleriniń týyndylary usynylǵan arnaiy baiqaý uiymdastyryldy. Qazylar alqasynyń sheshimimen «Qaitadan» kartinasy «Úzdik film» atalymynda jeńimpaz dep tanyldy.
«Qaitadan» sońǵy jyldardaǵy eń tabysty qazaqstandyq kinojobalardyń biri sanalady. Film ótken jyly prokatqa shyqqannan keiin nebári úsh apta ishinde 1 milliard teńgeden astam kassalyq tabys jinap, otandyq kinoprokattaǵy kóshbasshylar qataryna qosylǵan edi.
Buǵan deiin týyndy Qazaqstandaǵy kreativti indýstriialar salasyndaǵy bedeldi STEPPE AWARDS syilyǵynyń «Kinematografiia» atalymy boiynsha da úzdik dep tanylǵan.
Aita keteiik, film jobasy 2023 jyly ótken pitchingtiń jeńimpazy atanyp, Qazaqstan Respýblikasy Mádeniet jáne aqparat ministrliginiń qoldaýymen júzege asyrylǵan. «Qaitadan» filminiń halyqaralyq deńgeidegi bul jetistigi qazaqstandyq kino óndirisiniń Ortalyq Aziia keńistigindegi áleýetin taǵy bir márte kórsetti.
