Tailandtyń Phýket qalasynda Qazaqstan azamaty jol apatyna sebep bolyp, politsiia qyzmetkerlerinen qashpaq bolǵan, dep habarlaidy ult.kz.
Jergilikti aqparat quraldarynyń málimetinshe, 30 jastaǵy qazaqstandyq áiel birneshe saǵat boiy kólik tizgininde qaýipti manevrler jasap, jol qozǵalysy erejelerin óreskel buzǵan.
Politsiianyń habarlaýynsha, onyń kóligi mikroavtobýs pen mototsiklge soǵylyp, saldarynan eki adam jaraqat alǵan. Kúdiktini ustaý kezinde tártip saqshylary kóliktiń áinegin syndyrýǵa májbúr bolǵan. Oqiǵaǵa bailanysty qylmystyq is qozǵaldy.
Qazaqstan Syrtqy ister ministrligi atalǵan derekti rastady.
«Qazaqstan Syrtqy ister ministrligi Qazaqstan azamatynyń Tailandta ustalǵany týraly habardar. Diplomattar qabyldaýshy memlekettiń quzyretti organdarymen bailanysta bolyp, qajetti konsýldyq qoldaý kórsetýde», – dep habarlady vedomstvo.
Qazir oqiǵanyń barlyq mán-jaiy Tailandtyń quqyq qorǵaý organdarymen birlesip anyqtalyp jatyr.
