PricewaterhouseCoopers Eýraziia aýmaǵy boiynsha basqarýshy seriktesi Mark Hennidiń tujyrymy boiynsha, «Samuryq-Qazyna» aktsionerlik qoǵamynyń Net Assets Worth ( taza aktivterdiń quny) 5-jyldyq kezeńde 1.7 esege ulǵaidy.
«2008-den 2011-ge deiingi kezeń aralyǵynda 3,1-3,5 trln teńge deńgeiinde bolǵan Qordyń taza aktivteriniń quny, 2011-den 2016-ge deiingi jyldary 6 trln teńgeden asyp tústi», - dedi Mark Henni.
Sondai-aq, onyń sózi boiynsha, Qor aktivteriniń portfeliniń taza qun kórsetkishi, 2011- 2016 jyldary aralyǵyndaǵy kezeńde 2, 4 esege ósti.
«Biz jalpyǵa qol jetimdi aqparattar negizinde, onyń ishinde «Samuryq-Qazyna» AQ aýdittelgen qarjylyq eseptiligine de aldyn-ala eseptemeler júrgizip, Qor óz tapsyrmalaryn tabysty júrgizýde, al negizgi kórsetkishteri Temasek pen Khazanah tárizdi táýelsiz, jetekshi qorlardyń kórsetkishterimen salystyrmaly, degen qortyndyǵa keldik», - dep sózin jalǵastyrdy Eýraziia aýmaǵy boiynsha PricewaterhouseCoopers basqarýshy Seriktesi Mark Henni.
PwC málimetterine sáikes, 2011 jyldan bastap «Samuryq-Qazyna» AQ taza aktivteriniń qunynyń ortasha jyldyq ósý qarqyny 11,5% qurady. Salystyrý úshin, dál sol merzimge Temasek jáne Khazanah osy kórsetkishtiń ortasha jyldyq ósý qarqyny tiisinshe 6,9% jáne 7,8% qurady.
Net Assets Worth - Qor boiynsha taza aktivter qunynyń kórsetkishi 2008 jylǵy bazalyqtan keiin, jarǵylyq kapitalǵa memleketten eshqandai jarna salynbaidy. Sondai-aq, 2015-shi jylǵy devalvatsiiaǵa bailanysty, qarjy aktivterin qaita baǵalaýdan týyndaǵan sheteldik valiýta baǵamynan da paida alynbaidy.
PwC - konsalting jáne aýdit salasyndaǵy kásibi qyzmetterin usynatyn kompaniialardyń halyqaralyq jelisi. Kompaniia qurylǵanyna 160 jyldan astam ýaqyt boldy jáne álemdegi úlken tórttik dep atalatyn aýditorlyq kompaniialardyń biri bolyp tabylady.
Ult portaly
.jpeg)