Qazaqstan Prezidenti Nursultan Nazarbaev alda Reseide ótetin prezident sailaýyna qatysty pikir bildirdi, - dep habarlaidy Tengrinews.kz tilshisi.
Ortalyq Aziia memleketteri basshylarynyń kezdesýinde Qazaqstan Prezidenti basqa da qatysýshylarǵa kórshi eldermen qarym-qatynastyń mańyzdy ekenin aityp ótti.
"Bizdiń úlken kórshilerimiz bar. Olar - Resei men Qytai Halyq Respýblikasy. Olarmen qarym-qatynasymyz zor, kólik baǵyttary boiynsha da", - dedi Nursultan Nazarbaev.
Sondai-aq, Memleket basshysy Resei Federatsiiasyndaǵy sailaýdyń mańyzyna toqtaldy.
"Biz osy kórshi eldermen jáne úlken naryqtaǵylarmen belsendi túrde qarym-qatynas júrgizgimiz keledi jáne júrgizip jatyrmyz. Árine, Reseidegi sailaýdyń jaqsy ótkenin qalaimyz, barlyǵymyz da Vladimir Vladimirovich Pýtinniń jeńiske jetkenin qalaimyz. Munyń barlyǵy yntymaqtastyqty keńeitip, durys dialog qurýǵa jaqsy áser etedi", - dedi Nazarbaev.
Aita keteiik, Reseide prezident sailaýy 2018 jyldyń 18 naýryzynda ótedi. Segiz kandidat usynyldy: Sergei Babýrin, Pavel Grýdinin, Vladimir Jirinovskii, Vladimir Pýtin, Kseniia Sobchak, Maksim Sýraikin, Boris Titov jáne Grigorii Iavlinskii.
