Resei prezidenti Vladimir Pýtinniń burynǵy áieli Liýdmila Pýtinanyń qazirgi kúieýi Shveitsariiadaǵy záýlim úilerdiń birine ielik etedi. Artýr Ocheretnyi Liýdmila Pýtinamen úilený toiyna deiin Davostaǵy aýmaǵy 200 sharty metr bolatyn páterge ie bolǵan. Bul jóninde Tagesanzeiger saity jazdy, dep habarlaidy Azattyq.
Basylymnyń jazýynsha, Ocheretnyi páterdi 3,5 mln frankige satyp alǵan. Atalǵan úi AlpenGold elitalyq qonaq úiiniń jerasty ótkelimen jalǵasqan. Shveitsariianyń aqparat quraldary Liýdmila Pýtinanyń Davostan jii kóringenin jazdy. Ol Ocheretnyiǵa tiesili páterge de qonǵan degen málimet bar. Tagesanzeiger tilshileri bul aqparatty rastaityn nemese teristeitin dálel taba almaǵan.
Basylymnyń aqparatyna qaraǵanda, Vladimir men Liýdmila Pýtina Davosta eń alǵash ret 1990-jyldary bolǵan. Ol jerge Reseidiń qazirgi prezidenti Sankt-Peterbýrgtiń burynǵy meri Anatolii Sobchaktiń delegatsiiasynyń quramynda barǵan. Davostaǵy halyqaralyq ekonomikalyq forýmǵa issaparmen barǵan Pýtin men áieliniń janynda eki qyzy, violonchelist Sergei Roldýgin men áieli bolǵan. Olar shveitsariialyq jaǵajaidan shale jaldaǵan. Budan soń da Pýtinder otbasy Davosqa talai kelgen.
- Aita keteiik, Resei prezidentiniń qyzdary Ekaterina Tihonova men Mariia Vorontsova Reseidiń Ýkrainaǵa basqynshylyǵyna bailanysty sanktsiiaǵa ilingen. Liýdmila Pýtina men Artýr Ocheretnyiǵa sanktsiia salynbady.
- Osyǵan deiin Ulybritaniia Resei saiasatkerleri men sheneýnikteri ǵana emes, qarapaiym azamattarǵa da áseri bolǵan qatań sanktsiia salǵan. Júzdegen korporatsiia men tanymal brendter Reseidegi biznesin toqtatty.
