Vladimir Pýtindi "prezidentim" dep ataǵan Soltústik Qazaqstan oblysynyń turǵynymen ulttyq qaýipsizdik komitetiniń osy oblystaǵy departamenti ainalysyp jatyr. Bul jóninde KazTAG habarlady, dep jazady Azattyq.
Buǵan deiin áleýmettik jelide video jariialanyp, onda eki qyz Petropavlda turatynynyn jáne qalany "orystyń baiyrǵy jeri" dep sanaitynyn aitqan.
Olardan kimge daýys beretinin suraǵanda "Toqaevqa emes, Pýtinge daýys beremiz" dep jaýap bergen.
Olar munan ózge, qazaqstandyq dostarynyń Ýkrainaǵa qarsy Resei jaǵynda soǵysyp júrgenin aitqan. Qazaqstan zańy boiynsha ózge eldegi soǵysqa qatysýǵa tyiym salynady.
Ótken aptada Qazaqstan BAQ-tary Oral qalasynyń jergilikti turǵynyn "áleýmettik arazdyq týǵyzǵany jáne separatistik kózqarasy úshin" sottaiyn dep jatqanyn habarlaǵan. Bul habarǵa qaraǵanda, Oral turǵyny Maksim Iakovchenkoniń áleýmettik jelidegi pikirleri ishinde "Qazaqstannyń keibir qalalaryn Reseige berý kerek" degen sóz bolǵan.
