Resei prezidenti Vladimir Pýtin Ýkrainadaǵy soǵysqa qatysqandarǵa ardager mártebesin berý týraly zańǵa qol qoidy, dep habarlaidy Azattyq.
Áskeri qimyldarǵa qatysqan ardagerler men múgedekterge zań boiynsha zeinetaqy, túrli qarjylai syiaqylar beriledi, tegin protez jasalady, úisizderine baspana beriledi jáne ózge de jeńildikter qarastyrylǵan.
23 naýryzda memlekettik dýma qorǵanys ministrligi naýryzdyń basynda usynǵan zań jobasyn úsh oqylymda birden maquldaǵan. Qazir ardagerler týraly zań azamattyq soǵystan bastap SSSR men Resei aralasqan barlyq iri áskeri qaqtyǵysqa qatysqandardy qamtidy.
- Resei áskeri Ýkrainaǵa 24 aqpanda kire bastaǵan. Sol tusta Pýtin Ýkrainany "denatsifikatsiia" jáne "demilitarizatsiialaý" maqsatynda kórshi elge "arnaiy operatsiia" bastaǵanyn málimdegen. BUU-ǵa múshe elderdiń basym bóligi oqiǵany Resei basqynshylyǵy dep atap, Máskeýden áskerin Ýkrainadan alyp ketýdi talap etti.
- Bir ai ishinde Ýkrainanyń kóptegen qalalary atqylaýǵa ushyrady. Eldiń bir bóligin Resei áskeri baqylaýǵa aldy. Qansha adamnyń qaza bolǵany belgisiz. Myńdaǵan adam óldi degen boljam bar. Ondaǵan qalada turǵyn úiler, mektepter men balabaqshalar, aýrýhanalar jáne ózge de azamattyq nysandar qirady.
