رەسەي پرەزيدەنتٸ ۆلاديمير پۋتين ۋكرايناداعى سوعىسقا قاتىسقاندارعا ارداگەر مەرتەبەسٸن بەرۋ تۋرالى زاڭعا قول قويدى, دەپ حابارلايدى ازاتتىق.
ەسكەري قيمىلدارعا قاتىسقان ارداگەرلەر مەن مٷگەدەكتەرگە زاڭ بويىنشا زەينەتاقى, تٷرلٸ قارجىلاي سىياقىلار بەرٸلەدٸ, تەگٸن پروتەز جاسالادى, ٷيسٸزدەرٸنە باسپانا بەرٸلەدٸ جەنە ٶزگە دە جەڭٸلدٸكتەر قاراستىرىلعان.
23 ناۋرىزدا مەملەكەتتٸك دۋما قورعانىس مينيسترلٸگٸ ناۋرىزدىڭ باسىندا ۇسىنعان زاڭ جوباسىن ٷش وقىلىمدا بٸردەن ماقۇلداعان. قازٸر ارداگەرلەر تۋرالى زاڭ ازاماتتىق سوعىستان باستاپ سسسر مەن رەسەي ارالاسقان بارلىق ٸرٸ ەسكەري قاقتىعىسقا قاتىسقانداردى قامتيدى.
- رەسەي ەسكەرٸ ۋكرايناعا 24 اقپاندا كٸرە باستاعان. سول تۇستا پۋتين ۋكراينانى "دەناتسيفيكاتسييا" جەنە "دەميليتاريزاتسييالاۋ" ماقساتىندا كٶرشٸ ەلگە "ارنايى وپەراتسييا" باستاعانىن مەلٸمدەگەن. بۇۇ-عا مٷشە ەلدەردٸڭ باسىم بٶلٸگٸ وقيعانى رەسەي باسقىنشىلىعى دەپ اتاپ, مەسكەۋدەن ەسكەرٸن ۋكراينادان الىپ كەتۋدٸ تالاپ ەتتٸ.
- بٸر اي ٸشٸندە ۋكراينانىڭ كٶپتەگەن قالالارى اتقىلاۋعا ۇشىرادى. ەلدٸڭ بٸر بٶلٸگٸن رەسەي ەسكەرٸ باقىلاۋعا الدى. قانشا ادامنىڭ قازا بولعانى بەلگٸسٸز. مىڭداعان ادام ٶلدٸ دەگەن بولجام بار. ونداعان قالادا تۇرعىن ٷيلەر, مەكتەپتەر مەن بالاباقشالار, اۋرۋحانالار جەنە ٶزگە دە ازاماتتىق نىساندار قيرادى.
