Qazaqstan Respýblikasynyń Prezidenti laýazymyna qaita sailanýyna bailanysty Qasym-Jomart Toqaevtyń atyna Resei Federatsiiasynyń Prezidenti Vladimir Pýtinniń quttyqtaý jedelhaty kelip tústi, dep habarlaidy Aqordanyń baspasóz qyzmeti.
«Siz otandastyryńyzdyń zor senimine ie boldyńyz. Bul senim mandaty memleketti damytýǵa baǵyttalǵan Sizdiń bastamalaryńyzdy júzege asyrýǵa jańa múmkindikter beredi.
Elderimiz arasyndaǵy dástúrli dostyqqa, tatý kórshilik qarym-qatynasqa jáne ózara qurmetke negizdelgen strategiialyq seriktestik pen odaqtastyq tabysty damyp keledi. Yntymaqtastyǵymyzdy odan ári birge ilgerilete beremiz», – dep jazylǵan jedelhatta.
