Shanhai yntymaqtastyǵy uiymy elderi Syrtqy ister ministrleri Keńesiniń otyrysy qarsańynda Resei Federatsiiasynyń Prezidenti Vladimir Pýtin beinekonferentsiia rejiminde Uiymǵa múshe memleketterdiń syrtqy saiasi vedomstvolarynyń basshylarymen kezdesti, dep habarlaidy "Ult aqparat".
RF Prezidenti Resei tóraǵalyǵy Shanhai yntymaqtastyq uiymy qarqyndy báseńdetpei jáne tiimdi jumys isteýi úshin qajettiniń barlyǵyn jasaýǵa tyrysqanyn atap ótti.
«ShYU Eýraziialyq aimaqta beibitshilik pen qaýipsizdikti, turaqty damýdy qamtamasyz etýde mańyzdy ról atqarady. Teń quqylyq jáne múddelerdi ózara esepke alý qaǵidattarynda áreket ete otyryp, biz álemdik kún tártibindegi ózekti máselelerdiń sheshimderin birlesip izdeýge, BUU jáne basqa da halyqaralyq formattardy qosa tyǵyz syrtqy saiasi úilestirýdi júzege asyrýǵa umtylamyz», - dep keltiredi QR Syrtqy ister ministrligi V.Pýtinniń sózin.
Sondai-aq, ShYU jańa, ózekti syn-qaterlerge jedel den qoiý qabiletin is júzinde kórsetip otyrǵany atap ótildi. ShYU elderi koronavirýstyń taralýynyń saiasi, saýda-ekonomikalyq, áleýmettik saldaryn eńserýge kúsh salýda.
RF Basshysy aldaǵy otyrysta qatysýshylarǵa jemisti jumys tilep, Máskeý alańynda qabyldanǵan sheshimder Shanhai yntymaqtastyq uiymynyń keń keńistiginde áriptestik pen yntymaqtastyqty nyǵaitýǵa yqpal etetinine senim bildirdi.
