Resei prezidenti Vladimir Pýtin Sankt-Peterbýrgte sýpermarkette bolǵan jarylysty terakt dep atady, dep habarlaidy "Ult aqparat" Azattyqqa silteme jasap.
Sońǵy málimet boiynsha, jarylystan 13 adam jaralanǵan. Sankt-Peterbýrg vitse-gýbernatory Anna Mitianinanyń habarlaýynsha, zardap shekken segiz adam aýrýhanada jatyr, olardyń beseýiniń jaǵdaiy ortasha aýyr.
Jarylys 27 jeltoqsan kúni keshke Kalinin alańyndaǵy "Perekrestok" sýpermarketinde bolǵan. Qoldan jasalǵan, qýaty 200 gramm trotildi quraityn bomba dúkenniń júk saqtaityn bóligine qoiylǵan.
Tergeý komiteti «jalpyǵa qaýipti ádispen eki nemese odan da kóp adamǵa qastandyq jasaý» babymen qylmystyq is qozǵady. Oqiǵany tergeýmen Ulttyq antiterrorlyq komitet ainalysyp jatyr.
Tergeýshiler oqiǵanyń birneshe yqtimal sebebi tekserilip jatqanyn aitady. Jarylysqa qatysty kúdiktilerdiń anyqtalǵany týraly ázirge málimet joq.
