Resei prezidenti Vladimir Pýtin Batystyń ekonomikalyq sanktsiialarynyń jańa paketine jaýap berdi. 28 aqpanda ol ekonomikalyq máseleler boiynsha keńes ótkizdi, nátijesinde "AQSh pen oǵan qosylǵan shet memleketter men halyqaralyq uiymdardyń jaǵymsyz áreketterine bailanysty" arnaiy ekonomikalyq sharalardy qoldaný týraly jarlyqqa qol qoidy, - dep habarlaidy Tengrinews.kz tilshisi URA.ru basylymyna silteme jasap.
Otandyq ekonomikany qoldaý jónindegi jańa sharalar paketin talqylaýdy ashqan Pýtin premer-ministrmen batystyq sanktsiialar taqyrybyn aldyn ala talqylaǵanyn atap ótti.
"Biz Mihail Vladimirovichpen (Mishýstin) bul taqyrypty aldyn ala talqyladyq. Árine, qazir Batys qoǵamdastyǵy atalyp júrgender - men óz sózimde olardy "ótirik imperiiasy" dep ataǵanmyn - óz sanktsiialaryn bizdiń elge qatysty júzege asyrýǵa tyrysyp jatyr", - dedi Resei Federatsiiasynyń basshysy.
